Rasu kee daqoorit mirraacin sifra daqaaral akkuk geytimita daddos taamoomit gufne aben - ENA Qafar Afa
Rasu kee daqoorit mirraacin sifra daqaaral akkuk geytimita daddos taamoomit gufne aben
Addis Ababa Naharsi Kudok 26 Sanat 2018 (ENA)
Awsi Rasuk Naharsi Saqal Gifta Saani Qali kee Sifra Daqaarak Naharsi Saqal Gifta Qali Qarba Miraacissa Rasu kee Daqoorit Miraaciinih Erga Sifra Daqaaral Akkuk Geytinta Buqreey, Gadbo Xaloot kee Gino Gaddih Taamoomil Gufne Aben .
Sifra Daqaaral Buqre Caddol Ayyunti Gabat Agle kee Canka Gaddaloola Abquruk Geytinta Basalaay, Barbareey ,Teefiy ,Caxaaxuwa kee Caxammiiruuy, Tonnah Gadbo Xalootuk Dorrahi Murtiiy, Diidaale Murti kee Asqassaabe Kak Abeenih Yanin Baxaabxsa le Rakiibo Daddoosih Taamoomi Assakat leh Tanim Qaddoosen .
Akkel Geytimaak Yab Abeh Yan Awsi Rasuk Naharsi Saqal Gifta Saani Qali Iyyeemih Sifra Daqaarih Caddol Akkuk Geytinta Buqre kee Gadbo Xalootuuy Anxaxin Raatih taamoomi Gersi Daqooritih Ceelallo Takkem Xiqtam Ascassuuk Miraaciini Garuuq le Gurral Taama Gexsit Maqarroosam Faxxintah Tanim Diggoose .
Gaba Makalaak Murtisso Fan iyya Ammontal Sifra Daqaaral Akkuk Geytinta Taamoomi Assakat lem Yescesseh Yan Awsi Rasuk Leeda Ku /Buxah Saqal Gifta Naasir Cammadu Awsi Rasuk 8 Daqaar kee 4 Magaalah Xiinissok Yemeete Miraaciini Tatre Ayyaamah Been Aydakaakanak Ossotinah Sifra Daqaaral Abinah Yubleenim Isinni Daqooritil Abbinoosaanam Faxxintam Yiysixxige.
Gifta Qali Qarba Sifra Daqaarak Naharsi Saqal Kinnuuk Abeh yan Yaabal Sehdayti Baxi Milaagu Hangit Haak Ugutek Mangom Milaagam Xiqam Ascassuuk Daqaar Caddol Meqem Abittoh Eglaali Luk Qokkolsimak Daqaar Isi Mizaaniyyatat Ummattah Essero Elle Gacisaanam Xiqan Taamoomi Akkuk Geytintah Tanim Yescesse .
Gufnel Yengeleh yan Baxaabxsa le Daqooritih Miraaciini Isinni le Katuk Iyyeenimih Sifra Daqaar Abak Geytima Taamoomil Mango Abak-raag Geenih Yaniinim Kee Geenih yanin Abak Raag Isinni Daqooritil Abinah Oobiseloonum Kassiisen .
Gufneh Illacabol Rasu kee Daqoorit Miraaciini Daqoorit Sifra Daqaarak Geyteh tan Abak-raag Mannal Abinal Asissam Faxxintam kee Gexaanam Faxxinta Maaqattooti Wagittaamal Baar le Walal Abak Taamah Afkan Elle Daffeesak Gudgud Yumurruqe .