Samarâ Jaamiqatal Sugeeti Ixxigat Antifiquk Agat Daddosul Elle Assisaanam Duudan Gurra Wagittaamal Walal Gudgud Gexisen

Samara  Naharsi Kudok 25/2018(ENA)

Sugeeti Ixxiga  Qasriino Mablat Axwah Haak Rakaakayal Yan Daddos Gaddi Ummatta Tuxxiqe Akah Yakkennah Akkuku  Geytima Macalak Isinni Loftak Awquk Geyimaanam Samarâ Jaamiqat Qaddosse.

Samarâ Jaamiqat Baaxoh Addah Ixxiga Antifiquk  Agat Daddosul Elle Assisaanam Duudan  Gurra Wagittaamal Walal Gudgud Gexseenih Yanim Qaddoose

Tam Walal Gudguduk Fakenta Abteh Tanim Samarâ Jaamiqatak Barittô Caagidak Ciggiila Perexentih Qabduracmaan  Kadir Iyyeemih Sarrimaane Le Dadalal Diggoosonuh Ayyunti Addal Tan Ixxigaay, Nihrittey  Qaada Rakiibo Abak Qasriyyo Le Gexsitil Ginnaanam Faxximtam Qaddoose.

 

Qafar Ummatta Addal Tan Assakat Le  Sugeeti Ixxiga   Saqi Aydorriyyaay, Lee Mantafaqqaay, Qaadâ Xiinissooy, Bood Fidgaay, Ayyuntiinô Fantaaxaw Tah Ceelalloh Beyak  Qasri Ixxigat  Qoklosimak  Tuxxiiqik Akak Diggoosanam  Faxximtam Yescesse.

Samarâ Jaamiqat Sugeeti  Ixxigal Faxxiimah Yan Kusaq Abak  Daddos  Kee Dadala  Akah Abbinoosan Innal  Taamitak Geytimaanam Qaddoose.

Tahak Ugutak Jaamiqatal Mangom Ayyunta Cubbit Haytah Tan   Kussaaqitte Gexsitak Geytimam Kee Dariifah Ayyunta Liih Faxxiimah Yan Angaarow Luk Taamitak Geytiman.

Samarâ Jaamiqatak Reedo Sugeeti Ixxigah Kussaaih Fanteenak Dayrekterih Yan Gifta Macammad Acmad Algani  Elle Qaddosennalaay, Ta Fanteena Taama  Qafar Ummattak Qaada Nihirittey, Sugeeti Daarinitte  Kee Gabâ Taamaay, Tonnah Kaadu  Ayyuntak Mannoowiyye Kee Ayyuntiinô Angaaraw Leh Tan Tuxxiqitte Yaybulleenim Kinnim Qaddoose.

 

Qafar Rakaakayal Qunxaaneytay Qaada Kee Dagar Diigi Biirok Ciggiila Saqal Macammad Idris  Baaxo Caddol Qimbimteh Tan Sugeeti Ixxiga Kussaaqisaanam  Rakaakaya Caddol Hangi Akah Acyuk Taamitak Geytimina.

 

Qafar Qaadah  Siirat Madqa Diqsittay Daarinitte Qaadah Digiriiy, Sugeeti Nihrittey Qaadaay, Www Ceelalloh Xayyooseh Hayneh  Fayya Le Caddoh Barittoh Buxaaxi Lih Cattiimak Qasriino Tahak Gurral Hoonuh Taamitak  Geytimaanam Yiysixxige.

Tama  Paanal Walal Jaamiqat Barseenit Kee Xiinissoh Taama Abeenit, Baxaabaxsa Le Sekter Kutbeh Buxaaxih Awlaytiitiy  Seeco Akah Abe  Qibinitte Edde Tengele.

Itiyoppiyak Xaagi Raceena