Qafar baaxoh leh tan buqreh meqeh darriitat antafaquk qafar ayyunti taamoomi ugutak maaqiddi kibal sinnik diggoysam faxximta-Naharsi saqal cajji Awwal Qarba

 

 

Samara,Naharsi-Kudok 24,2018(ENA)

 

Qafar Baaxo leh tan Buqreh Meqe Darriitat Antafaquk Qafar Ayyunti elle Aninnaan Rikel Buqre Taamoomil Ugutak Maaqiddi kibal Sinnik Diggoysam Faxximtam Rakaakayak Naharsi Saqal Massakaxxale Cajji Awwal Qarba Qaddoyse.

 

Rakaakayak Naharsi Saqal Massakaxxa le Cajji Awwal Qarba Gabbi Rasuk Galaqli Daqaarak Booloh Amoh Awdal 600 daga Yakke hektaaral Canka Gaddali Gifta Jibriil Cummad Abah yan Burtukaanay, Pappaye, Habhab kee Muuz Buqrey Murti kak Orobak geytimat gufne Abe.

 

Tama Gufneh aracal Yab Abeh yan Naharsi Saqal msssakaxxa le Cajji Awwal Qarba Milaaguuk lakal Qafar Ayyunti Marin Gaba Qarsak Awaquk maaqiddi kibal siink kah diggoosan innah faxxiimah yan Uguugusuy, qokol kee kattat Abak meqe taamoomiy Xaloot le Akkuk geytimtam yescesse.

 

 Galaqli Daqaarak Booloh Amoh Adal Canka Gaddali Gifta Jibriil Cummad 600 Daga yakke hektaaral Baxaabaxsa langittel Abah yan Buqre taamoomi Assakat lem Yescesseh, yan Naharsi Saqal Cajji Awwal Qarba, Ta Buqret 640 daga yakke Darrifah Ayyuntah taama Saami Ginaanam Xiiqinteh Tanim kee taham gersi gaddaleelah Ceelallo takkem Xiqta taama kinnih tanim Baxxaqise .

 

Qafar Gaddaleela kee Xiyaspora Ni Baaxo leh tan investimenti Saamit Antafaquk Baaxo kee Ummatta Dadlisoonuh taamitaanam faxximtaamih farmo tatruse.

 

Ellacabol gifta Jibriil Cummad Baarisak Geytimah yan Muuz Buqreh Addal Muuz Coox daabisaanamih taama Aben.