Agat Kee Agattiinah Ummattah Ayro Yassakaxxeenim Agat Inkittinaane Maqarroosaanamak Taturak Sarrimaane Le Daddos Yasmitoonuh Kaxxa Doori Digrak Geytima

Addis Ababa ; Naharsi Kudok 24/2018 (ENA)

Agat Kee Agattiinah Ummattah Ayro  Yassakaxxeenim Agat Inkittinaane Maqarroosaanamak  Taturak Sarrimaane Le Daddos Yasmitoonuh Kaxxa Doori Digrak Geytimam Federeshin Malah Buxak Caxah  Afteena  Yan Gifta  Agenuh Teshaager Iysixxige.

Amaara Rakaakayih Cadddol  20toh Addah Itiyoppiyak Agat Kee Agattiinah Ummattah  Qaffayda Amogacsi Taddeera  Debre Birhaan Magaalal Assakat Le Gurral  Yessekexxen.

 

Tam  Waynabih Arcal Geytimeh Yan Fedreeshin Malah Buxak Caxah Afteenah Yan Gifta  Agenhu Teshaager Agat Agattiinah Ummatta Sitta Luk Mannoowiyya Le Diggoosanah Agat Kee Agattiinah Ummatta Qaada Kee Nihritte Elle Yaybalaaleqen Qaffayda Kinnih Tanim Qaddoose.

Tonnah  Digga Le Baaxi Xisoonuh  Fedraalishim Siirat Yanuh Mangattiinah Inkittinaane Maqarroosnuh  Ummatta Fanal Inkittiino Kee  Qalli  Yanuh Kaxxa Doori  Digrak Geytimta.

Agta Kee Agattiinah Ummattah  Ayroh Qaffayda   Qadliiy Inkigid-Akkiyya Ximokaarsih  Siiratih Rakiibo Kinnim Qaddoose.

 

  Amaarah Rakaakyak Caxah Afteenah Tan  Fantu Tessefaye  Ta Qaffayda  Rakaakaya Caddol Kulli Dariifal Sittak Baritaanam  Meqem Abitto Ayfaafay  Ummatta Fanih Angaaraw Le Diggoosnah Mangattiinah Inktinaane  Le Maqarroosan Gurral Assakaxxuk  Sugeenim Qaddosse.