Itiyoppiyak Taama Abeenit Eglaali Taama Abeenit Dudda Gablusak Agat Murtissoh Dadalal Isinni Loftak Yawqeenim Faxximta - ENA Qafar Afa
Itiyoppiyak Taama Abeenit Eglaali Taama Abeenit Dudda Gablusak Agat Murtissoh Dadalal Isinni Loftak Yawqeenim Faxximta
Addis Ababa; Naharsi Kudok 23/2018 (Ena)
Itiyoppiyak Taama Abeenit Eglah Konfedereeshin Taama Abeenit Dudda Gablusak Agat Caddol Murtisso Dadalah Isinni Loftak Yawqeenim Faxximtam Naharsi Malaakih Bilhadak Ximokraasi Siiratih Xisneh Koobahisey Leeda Missoynak Ciggiila Prezdanitih Yan Gifta Adam Farac Qaddoose.
Baadak Taama Abeenit Eglaalik Konfedereeshin Koboxu Axxis Ababa Gexsitak Geytima.
Naharsi Malaakih Bilhadak Ximokraasi Siiratih Xisneh Koobahisey Leeda Missoynak Ciggiila Prezdanitih Yan Gifta Adam Farac Elle Qaddoosennal Baadak Qidaddo Boodittey,Rosqa Milaaguy,Technology Taqbittey Taama Mammaasa Baahak Geytimitah Milaalagima Baadih Addal Baritto Technologyih Guddusiyya Baarisaanam Qusba Investiment Culsak Agat Xaylok Taama Saamih Tuxxiq Dadlisoonuh Taamitak Geytimaanam Qaddoose
Itiyoppiya Milaagi Liggidittek Annah Fantenaani Xisoh Teceh Tan Hangi Ugutak Agat Xayloh Inkitaanuk Ken Tuxxiq Dadlisoomih Akkuk Geytimita Taamomil Xaalot Amballayuk Geytima.
Baxsa Luk Duddi Daddos Diggoosanam Kee Taamah Bica Le Dariifa Ginnaanam Mnagoh Yan Qunxaaneyta Kee Sayyok Duddi Gablusiyya Keenih Abak Taami Saamih Tuxxiq Akah Geyna Innah Abeenih Yaninim Yiysixxige. Itiyoppiya Qidaddo Dadalah Taama Saami Ginnaanam Kee Taama Abeenit Gar Dacarisak Sissik Waktih Addat Assakat Le Taama Akkuk Geytimita.Itiyoppiyak Taama Abeenit Eglaali Doolat Milaagih Taamoomi Oggolak Faxxiimah Yan Qokolo Abak Geytimaanm Kassiise.Katayak Hadlisso Tamoomi Aydukumusak Dudda Le Sehdayti Caylih Xisen Maqarroosak Agat Murtissoh Dadalih Gexoh Addat Sinni Raatisso Daffeesak Geytiman.
Doolat Taama Abeenit Konfedereeshin Kee Taama Abeenit Eglaali Fanal Yan Angaaraw, Aamantinaaney,Qidiinoy Sittan Gabat Aglel Rakuh Yan Angaaraw Yakkem Faxximtam Kassiise. Itiyoppiyak Taama Abeenit Gaar Dacarisak Baada Caddoh Sittin Gey Rakiibo Abak Yayseh Yan Gexsit Ayyaaquk Taam Abeenit Angaarow Diggoosak Taamitak Geytimaanam Gifta Adam Farac Qaddoose
itiyoppiyak xaagi raceena