Agaarad komishin , agaarad koboxih seecoh gulgulossok gaba kalak geytima; Profoser Mesfin Araya - ENA Qafar Afa
Agaarad komishin , agaarad koboxih seecoh gulgulossok gaba kalak geytima; Profoser Mesfin Araya
Addis ababa Naharsi kudo, 23 2018 (ENA)
itiyopiyak agaarad komishin, agaarad koboxih ajenda missoosak, koboxuh seecuh faxximta bicitteetak gaba bkalak geytimam, komishinik naharsi komishiner PRO. Mesfin Araya Qaddoose.
Ta komishin, itiyopiyak diini xisoosa kee sivil eglaalih gabat agle baaxoh caddoh agaaradah kaxxa xaloot le inta itrol agaarad gugud gexsitak geytima.
Mesfin Araya (Pro) ta uddur abeh yan yaabal, agaarad kulli marih gabat agle akah yaallennah, ta komishin baxaabaxsa le taamoomi abak yemeetem qaddoose.
Ayyunti exxaaxiy, diini xisoosa kee sivil eglaali kee tonnah baxaabaxsa le xisoosay, ayyunti addal ammas leh tanayti gexxo leh tan marittey, siyaasa missoynaaniy, doolat awlaytit edde anuk gabat agle akah baarimtannah abeenim Yescesse.
Baaxoh addal dibuk hinnay, diyaspora ta agaaradat gabat agle akah taallennah tekkeh tanim kassiise.
Agaarad komishin awayih uddur walal elle abu waah yan ajenda massoosak yaybeleelequ kee koboxuh seecuh taakume bicitteetak gaba kalak geytimam yescesse.
Ta caddo fanah yamaatoonuh raqteh tan muhummik tan taamomi, tanim yescesse yan komishiner mesfin araya, Tigray rakaakayih ummatta kee Baxabaxsale Exxaxi Lih Ajenxa Elle Yacen Fayi Koboxut Akah yangalen iannah Abanam Ciggila udduir Abto Kinnim Kassisen.
Diini Abbobtiiy,Fayyale caddoh Miroctiiy,Diini Exxaxi kee sivil Ayyuntih Eglaali Fidga Gonnisaanamih Gexsitil Isinni Dirkik Akah yawqen innah seeco xayyose.