Koora inki fanteenah ayfaafay wagittaamal exxo tabte - ENA Qafar Afa
Koora inki fanteenah ayfaafay wagittaamal exxo tabte
Addis Ababa Naharsi Kudok 22 Sanat 2018 (ENA)
Tamaa tan Taffaafo inteemih a Fanteena Xissintem ken Aafuk Sugte Mango Taqabittek Calli Keenih Takkem Kinnih Tanim kee Ayfaafay Meqenal Geyak Geytimaanah Yaniinim Yiysixxigen.
Duma Mango Maktabitte Gexoonuh Udduuruuy, Maali Finqa kee Kalah Mango Gexekalitte Luk Sugeenim Takkay immay Inki Fanteenah Ayfaafay Xissiimeemih Ruffa Iyyaanah Yaniinim Tahallih Kassiisen .
Tama Fanteenal Ummattah Ayfaafay Acayuk Geyneh nan Baxaabxsa le Maktabittek Tengeleh tan Mihrat-leela Abteh tan Yaabal a Fanteena Xissintem Ayfaafay Mattaco Keenih Taysissikem Kinnih Tanim Kee Mexxat le Gurral Taamal Foocah Axceloonum Ascassuuk Fanaak Matartam Xiqtah tan System Taqabitteh Fidagah Hangi Yaceenim Faxxintah Tanim Kassiisen .
Qafar Rakaakayak Koora Inki Fanteenah Ayfaafayak Naharsi Saqalah Yan Gifta Kaliil Qali Iyyeemih Fanteena Xissintay Namma Ayyaamah Tanim Takkay immay Taham Fanah 910 Yakke Marah Ayfaafay Yaceenim Duudunteh Tanim Yiysixxige .
a Fanteenal Mango Maktabitte Ummattah Ayfaafay Sissikaaneey, Mexxat kee Xaynal Acayuk Geytimaanam Yescesseh Yan Gifta Kaliil Qali Dagoo Dagoo Taqabittey Boddah iyya Caagiida Wagitta Xagorti Luk Gacak Calli Kah Aban Innah Taamitak Geytimaanam Kassiise.
a Fanteenah Taama Rakaakay Dibuh hinnay a Sanatih addat Samaraay, Awaash kee Aysaqiiti Magaalah Xiinissoosah Caddol Taama Kah Qimbissannah Taamitak Geytimaanam Ascassuuk Foocah Gersi Rasi Fanteenaani Edde Anuk Mango Magaaloolu Fakoonuk Ikraaro Loonuh Yaniinim Yescesse .
Gifta Kaliil Qali Illacabol Tatruseh yan Farmol Qafarak Koora Inki Fanteenah Ayfaafayak Qimbo Hadaf Ni Rakaakay Dadalah Fooci Maaqatta le Rakaakayittet Matrisak Baaxo Caddol Ikraaroh Tan Sadar Ayfaafayih Riiformih Maysaasa Abbinoosak Gexeloonum kee Qafar Ummatta Faxaanah Yanin Ayfaafayah a Fanteena Amaatuk Affaf kah Geyan innah Seeco Tatruse .
A Fanteenal Taffaafo Elle Sabhalaltah tan Shaahi Bunnaay, Maaqo Buxaaxiiy, Tayfaafo kee Taffaafoh Alaaqa Elle Digirtah tan Arooca Edde Anuk Mangoh tan Arooca Ayfaafayah Fakut Geytintam Nabalu Xiqne .