Rakaakayal Buqrê farakka kee geytima xali sanaatak sanatal aysuk getima:- Buqre kee Gino Gaddih Biiro

 

Addis Ababa Naharsi Kudok 22 Sanat 2018 (ENA)

Buqre kee Gino gaddih Biiro Buqre kee gino gaddih daddoosih tabaatabsih gexsit- sissikaanele gurral gexsituh maglab leela llih walal gudgud gexisse.

Rasitteey daqoorit kee qokol abta exaaxih miraaciini elle geytimeh yan ta gudguduk fakkenta abeh yan buqre kee gino gaddih daddoosih biirok miraacah yan injiner yaasiin Qali Taturte milaagi sanootat abaaxol inkiyah mayaabuka akak axcuk sugen mangi qaynatih murti yabqureenim xiiqimtem kassiise.

 

Rosqa milaaguuy garbo abta baatii kee qagqagitak yabbixeh yan Qabar dariifaay ayyuntiino kee madduurul kataasah yan taqabit kalalitoonuh anxaxin raatih taddiiral dacarsittoh xiina^dariifal yuysubuken caxammiru kee caxaaxuwi kaxxam assakatle xalu ablaasuk geytimam Baxxaqsen.

Milaagi mablat miracsimak talangil kolfih tan taqabitteetay dacarsittoh xiina mano kee dariifa gaddal taqabi bahtah calli wagsiisaak tawqeh tan bolisi kee strategy abbiinoosak dacarsittoh xiina^manol baxsale milaagu geysiisaanam xiiqimteh tanim qaddoose.

Geytimeh yan meqe xalul aylahitekkah buqre transformation yaysissikeenimiiy geysiisaanam kee yaymaggeenim elle xiiqimtannal dacarsittoh xiinak maaqiddi caabi diggoosaanamak kalah baaxo caddol buqre dadalat qafar rakaakay lofta akah yallennah taamitak geytimaanam yiysixxige.

buqret axaw ella hayta dagorti buqre tabaatabsa abbinoosaanam kee ayyunti mano yaysiiseenimil titta qokolak akah taamitan innah farmo tatruse.

Ta gudgudul Rakaakay caddol buqrellangil takkeh tan huqre taamoomi taturte sanoota elle akkuk temeetanna wahittah tan gabbaaqitte xayyowte.

Tagabbaqittel buqre farakka kee murtissol geytimah yan xali sanataak sanatal osak geytimah yanim qaddawte.

Ellecaboluuy buqre kee Gino Gaddih daddoosul meqe taama abteh tan rasitteey meqem abittoh eglaali kee canka maritteh faatit acwa elle acayuk meqe gurral Yumurruqe.