50heele maloktit malah buxak madabiino koboxul Taturusen margaqooqi

Addis ababal naharsi kudok 20/2018

 

Malokti Malah Buxa Asaakih Ayro Gexisen 50Heele Madabiinoh Koboxul Baxaabaxsa Le Caagiidal Walalak Margaqa Elle Yecen .

 

1. Malah Buxa Qimboh Addah Elle Walaltem Dijital Itiyoppiya Sanat 2030 Illacaboh Makcaggurut Walal Gexsen. Ta Istrateejih Hadaf Baaxo Xayloh Qusba Saamitte Ginaanamaay, Teknolojih Dudda Kee Daddos Daddos Dadlisaanamaay, Meqe Xiinissoh Aysaxaaxag Kee Qidaddo Daddos Sissik Udduurih Hadaf Kinnim Qaddoosen. Ta Makcagguril Baar Le Walal Yekkek Lakal Malah Buxa Faaticisen Ayrok Xabba Haanam Abbinoysoonuh Inki Xongolol Faaticisen.

 

2. Ciggilak Mala Buxa Elle Walatem Baad Caddok Daddos Eglaali Lih Aben Maaliyyah Qokoluy Kinni.Qimboh Sarrimaane Le Saytun Energi Wadbissoh Milaagu Akah Yaysissiken Innih Tamala Assuh 20,000,000 S.D.Rs Abuud Sittin Gey Kinnim Kee 6Sanata Ossotinah Edde Anuk 31 Santih Addat Mekalak Gaba Akak Kalelon.Kulli Abuud Ribak Currik Akah Yaninna Kee 0.75% Affaf Meklaali Akak Celoonum Warsen.Mala Buxa Abuud Sittin Gey Ni Baaxok Abuud Madqa Luk Buxa Lem Aysaxxaguk Ummattah Awkaytitih Mala Buxa Fan Akah Ruuban Innah Aben.

 

3. Tama Malah Buxa Tohuk Lakal Dariifa Dacayroh Exxa Kee Itiyoppiyak Agat Tiyaatir Taceh Tan Baxaabaxsa Le Ayfaafah Meklaanam Faxximta Ayfaf Meklitteh Daddos Edde Anuk Namma Qaguntal Walal Gexsen. Egla mexxat le ayfaafay yaceenim kee Madruura rufto ossimak sinni awqenta lowsiisoonuh kee sinni culenta ossimak Gexaanam faxximta, tohih taagah ayfaafay meklah caddo Madruura dudda edde haak geytimta gurral gulgulumtem kee xayyowteh tan. Edde xinti qaguntal baar luk walalak lakal malah buxa inki xongolol margaqa tatrusseh tan ayrok xabba haanam federaalak gazettel abbinoowele.