“Ximokraasih sittingey agattiini bilhadah inkittiino” inta itrol Rakaakay caddol asaaku agat kee Agattinay Ummattah ayro qaffayda meqennal assakaxxuk maacisen

Addis Ababa,Naharsi Kudo 19,2018 (ENA)
 20haytoh addah yassakaxxen Ta qaffaydat federeshin malah buxak ciggiila caxah Afteenay oromoyaay,addis Ababa kee Amaara rakaakayittek caxah afteenit edde anuk mango rakaakayitteh qibini elle geytime .

 

Tama Aracal Geytimak Fakkenta abteh tan rakaakay mijlisik caxah afteena gifti asiya kamaal asaaku 20haytoh addah yassakaxxen agat kee agattinah ayro dumi ayrok baxsa eddelem Qabbay karawwad edde anuk mango mega projektitte edde dooqaysen sanat kinnim qaddosse.

Rakaakayak ciggiila perezdentih yan gifta qumar nuur taqaffaydal geytimak abe yaabal ni baaxo  Baxaabaxsale xixxibaanet sugteeh mangoomul wadirih raqteh sugte baaxoy qayxiixinna kee  kallacil tamixxige tet abeenih sugeenim tamaixxige Axcuk Kassise.

Inkittiinooy diggoowe salaam geytimuh Itiyoppiyah xaylo titta abbaxuk abte giclol asaaku salaamak tan Itiyoppiya celallo takkem xiqta ginaanam xiiqimte Qaddose.

 

Rakaakay caddol mango daddos taamoomi axcih Buqre Langiiy industri kee wacaysiril akkuk temeeteh tan taama kee geytimah yan meqe xaloot meqe xiinossooy ximokraasih qadliinoy abbinoowak geytimtak sumaq kinnim Yescesse.

 

Aqaffayda  maxaaberiya fabrika Edde qembiseenih naxaaj asiffiyiyyih fabrikah keskes xaa edde daffeeseeniih qabbay krawwad edde dooqaasen udduur kinnim baxsa bahsissam tahallih kassiise.

Federeshin malah buxak ciggiila caxah afteenah tan gifti zahra cummad taqaffaydal geytimak tatrusseh tan farmol  Itiyoppiya inkittiinooy toobokiini fantaxawaay inkigid akkiyyaay tittalih alliyya kee qadliinole gaddi keefo ledde Itiyoppiya mannowtuh Raqsinni keskesiy kulli mari isi lofta akak diggoosam faxximta kinnuuk waarle gurral foocah haanam faxximtam diggosse.

Tawaynabot baxaabaxsale rakaakayitte qibinaay  mango ayyunta kee miraaciinuuy Rakaakay kee federaalak  amni dagorti edde Tengele.