Buqreey industriiy wacaysir kee magaalol daddoosul tekke taamak geytimeh yan meqe xali waarle gital diggoosak foocah beyaanam faxximta:- Cajji Awwal Qarba

Addis Ababa Naharsi Kudok 18 Sanat 2018 (ENA)

Qafar Rakaakayak fayyale miraaciinuuy fanti miraaciinu  qikkibow doolatih mablal langitte farakka iyya ammuntal beyak sugen aydakaakanak amoggacsal geytimak farmo taruseh yan Rakaakayak naharsi saqal massakaxxale Cajji Awwal Qarba Qaddose.

Rakaakayal akkuk geytimtah tan daddos taamoomik meqe xali amballayuk geytimam yiysixxige .

 

Massakaxxale naharsi saqal ta amoggacsih aracal milaaguuk gamadal tekkeh tan taamoomik mangoomih addaffakoot abeeh 
Baxasaluk buqreey industriiy wacaysir kee magaalol daddoosul duma tunelle sugtenna kee away milaaguuk gamadal tekkeh tan taamoomik geytimeh yan xali baaxo caddol akah sumaaqitan assakatle caddol yanim kassiise.

Leeda missoyna kee rakaakay doolat ugut akah lem Qafar baaxo leh tan gadda tuxxiiqih korisak le qafarih ummatta edde leedisaanam kinnuuk, ta hadaf aracat gacuh baxaabaxsale technology kee qasriinoh ixxigat antifiquk salac sinni taama akkuk geytimtam qaddoosen.

Geytimeh yan meqe xali waarle le gurral diggoowak akah gexannah away yan miraaciinuk mango macal faxxiimam aaxaguk ku mirac isih elle yan caddol qusba yayse xaloot geysiisak ayyunti qayxiixinna kee gaba makalak awquk is akah xiqannal ayyuntah taamitaanam faxximtaamih farmo tatruse.