Qafar Ayyuntih Mano milaagimtuy dadalte qafar ginnimtuh Qafar leh tan gino gadda fanteena abak mirraacini qusba gulgulussol taamitam faxximta -naharsi saqal massakaxxa le cajji Awwal Qarba

 

 

Samara,Naharsi-Kudok 18,2018(ENA)

 

"Qikkibo Doolatih Mabla Langitte farakkah" iyya Ammuntal Leeda Partik Fayya le Miraaciinu kee Fanti Miraaciinuh Amcawwuk Sugeh yan Aydakaakan Yumurruqe.

 

Tama Aydakaakanak Alfental Geytimeh yan Rakaakayak Naharsi Saqal Massakaxxa le Cajji Awwal Qarba Qafar Ayyuntih Mano Milaagimtuy, Dadalte Qafar Ginnimtuh Qafar leh tan gino Gadda fanteena Abak Miraaciini Qusba Gulgulussol taamitam Faxximtam yescesse.

 

Milaaguuk lakal Buqreey, Maqaddiniiy, Wacaysir kee kalah tan langittel xaloit le taamomiy Assakat le Tekkem Kassiiseh yan Naharsi Saqal Cajji Awwal Qarba , Miraaciini ta Aydakaakanak Geenih yanin ixxigat Linoh Nan gaddak Ummatta qasriino le gurral Xaloot kah geytannah Abak, Ummatta Nookisnam faxximtam qaddoyse.

 

Ummatta Maaqiddi Kibal Sinnik Dighossuh Abtah tan Daddos taamoomil Kulli Rasitte kee Daqooriitil Miraaciini Buqraabat Matartah tan Adafitte Afdaguk Qokol kee kattat keenit Abaanam faxximtam yescesse.

 

Baxsa luk Qafar leh tan Saq kee Buqre gadda inxasturi fan korisak qasriino Gital edde kah yantifin innah Abaanam faxximtam baxxaquse.

 

Aydakaakan Beyak Sugeh yan Miraaciini Geenih Yanin ixxiga Addah Obisak Ummatta kee Baaxo Milaagoonuh Taamite loonum diggoysen.