Itiyoppiyah kee nezerlandik Diplomaasih fantaaxaw fantaaxaw tellemmo kee investment luddal xalootuh ayballayuk geytima

 

 

Addis Ababa Naharsi Kudok 18 Sanat 2018 (ENA)

 

Itiyoppiya Kee Nezerlandih Fanat Yan Diplomaasih Sittin Gey Tellemmo Kee Investimentih Luddal Xaloot Le Dadalal Akkuk Geytimam Nezerlandik Itiyoppiyal Geytimta Embaasik Ciggilta Saqalah Tan Paula Shenadler Qaddosse

 

Yamaate Qusba Sanat Addat 2026 Itiyoppiya Kee Nezerlanxih Kabxah Angaaraw Edde Qimbime Bool Hayto Sanatih Qaffayda Akkelem Qaddosse

Itiyoppiyal Nezerlandih Embaasi Kee Daddos Korporeshin Ciggilta Saqalah Tan Paula Shenadler Elle Qaddossennal Itiyoppiya Kee Nezerlandi Sitta Luk Cattimaanaml Rakuh Tan Radmooma Rakiiboh Abak Maqarle Qalliino Fanat Akak Tan Namma Baaxo Kinnim Qaddosse.

 

Namma Baaxoh Fanat Yanih Xer Waktih Aydaadu Le Diplomaasih Angaaraw Qidaddo Daddosih Qokolih Luddal Dadalak Geytimam Qaddosse.

 

Nezerlandi Itiyoppiya Lih Leh Tan Sittin Gey Maaqiddi Caabiy Lee Gaddih Xisne Kee Kalah Tan Daddos Luddittel Leh Yan Sittin Gey Diggooselem Qaddosse.

 

Namma Baaxo Fanat 1926 Qimbisen Tellemmo Diplomasih Angaaraw Booli Hayto Sanatih Qaffayda 2026 F L L Assakaxeloonum Tiysixxige.

 

Daddosih Eglaali Kaddu Faximtah Tan Doori Digirak Ixxiga Kee Teknolojih Tabsiyya Aysissikuk Investementih Abak Geytimaanah Namma Baaxoh Fanala Kabxa Sittin Gey Akah Diggoowan Innay Qidaddo Diplomaasih Qokol Diggoosak Geytimam Qaddosse.