Qikkibow doolatih mablal langitte farakka iyya ammuntal ayyaamay aydakaakanal suge Rakaakayak fayyale miraaciinu kee fanti miraaciinu daddos fanteenaanit gufne abte

Addis Ababa Naharsi Kudok 18 Sanat 2018 (ENA)

 Leeda missoynak Qafar rakaakayih luddih miraacah yan gifta macammad cuseen Qaliisa ta gufneenak hadaf Aydakaakanak bagut baaxo bagul maca abeenim abinah yabloonu kinnih tanim kee aydakaakanal geen ixxiga kee abinah yubleenim tittat xakabak qafar leedisaanamal maqarle taama akah takenna kinnih tanim yiysixigen.

 

Amiraaciinuk Qambalsimtam  baaxocaddol loowan gaddak 5langiy qafar addal geytimat qafar akah tantifiqennah qafar gaddak macalem loowaanamaay,  mango adda elle yantifiqen inna abinah abalaasuk gubal abinah korisoolun Qaddose.

Ellecabol. amissoynak hadaf qafar leedisaanam kinnuuk away yan miraaciini rabbo sinnim qafar leh tan gadda loowak Qafar leediinul akah korisan innal taamitaanam xiqsiisah yan aydakaakanay beenih yaniini abbinoosaanam inkih yan miraaciinih dirki kinnih taniimih farmo Tatrusen.

Ta miraaciini gufne edde abeh yanimiiy Samara logya kee dariifal tan industri kee fabrikaakiiy, Gabdo xalootih fanteenaay,  kuwet saqi qaysoh buqrey 5000ih hektaaraak daga takke , qasbo fabrika kee samarak moziyemil muggaaqisen korider kinnih tan wakaay Tagufnet kaxxam ruffa iyyeenih yaniinim yubluusen.

Elle taamitta gaba geytimtek abaaxo cinta qaynatih dariyyu alle waytam cedeenim kee kulki miraaciini isinni caddol Qafar leh tan gaddat akah leedisan innah taamiteloonum yiysixxigen.

Baaxo caddol tawqeh tan inishiative abinah baaxol oobisa miraaciini geytimuh faxxiima aydakaakan geyak Aydakaakanal baritak sugeenim kee baaxo bagul yableenim titta ceelak geenim tahallih  qaddoosen.