Qafar Rakaakayal Iro Baaxo Kee Addak Wacaysir Marih Ixxima Ossimak Geytimta

 

Samara; Naharsi Kudok 17/2018 (ENA)
Qafar Rakaakayal Iro Baaxo Kee Baaxoh Addak Wacaysir Abat Maritteh  Ixxima Kaxxam Ossiimak Geytimitam  Rakaakayak Wacaysir Biiro Tiysixxige.

Qafar Rakaakay Sahdayti Baxih Ukkuma Kinnim Tamixxige Tonnah Qertaqale Boynaay Xaloluk Addah Raqta Aroocay  Kalah Tan Cakkumuk  Tan Ginoy Assakat Leh Tani Elle Geytimita Rakaakaya Kinnuuk   Wacaysir  Fanteena Kinnih Tanim Qaddoosen

Xaaluul  Dariifay Baxaabaxsa Le Weloola Ley  Wacaysir Marititte Hirgitah Taniy Walqinaanay Qisiiy   Cugginaanay Kalah Tani Bisitte Leh Tonnah Kulli Wakti Habuk Inta Qerta Qaley  Volcano  Qasbo Muritisso Elle  Geytimta Afxeera Kaluuy Tonnah Qaxmeqe Assakat Le Wacaysir   Arooca  Elle  Geytimta.

Tohuuk Ugutak Tah Kee Kalah Tan Ginok Tanih  Tan Wacysirih Bica Leh Tan Dariifa Kee Tonnah Kalah Tan Wacysir Arooca Yaysaxaaxagoonuh Taamitak Geytimaanam Rakaakayak Wacaysir Biirok Wacaysir Arooca Kee Parkitte Daddoosih Dayrekterih Yan Macammad Casan Qaddoyse.

 

Qafar Rakaakayak Baxaabaxsa Le Dariifat Aliggidak Qimboh  3 Alsih Addat Dibuk 1 Alfi 300 Takke Iro Baaxok Wacaysir Maritte Gufne Abak  88 Miliyoonih Birriik Dag Yakke Culenta Keenih Yaniinim Qaddoose  

Rakaakayak Wacaysir Gadda Baarluk Yaysexeexegenim Caddol  Sehda Hirgtah Tan  Aracitteh Sanat Inkih  Habukak  Sugta Qerta Qaley Volcanooy, Baxaabxasa Lee Weeloola Le Xaaluul Kee  Alalo Baday Kalah Mangih Tan Dariifay Wacaysirih Takke Ta Luddal Daddos Kee  Dadala   Fanteena Akah Yakkennah Abak Geytimaanam Qaddoose.

Ta  Kutbeh Buxak Wacaysir Qadaaga Kee Aysaxaaxag Dayrekterih Yan Qabdu Acmad Ta Luddal Meqe Ayfaf Akah Yacen Innah Qusba Gexsit  Abbinoysak Geytimaanm Qaddoose