Ayrô mawqah afrikak madqah egla 30 heele sanatih qaffayda kee sanat kobox naharsi kudok 17 xabba haanam gexselem yiysixxigen - ENA Qafar Afa
Ayrô mawqah afrikak madqah egla 30 heele sanatih qaffayda kee sanat kobox naharsi kudok 17 xabba haanam gexselem yiysixxigen
Addis Ababa Naharsi Kudok 15 Sanat 2018 (ENA)
Ayrô mawqah afrikak madqah egla 30 heele sanatih qaffayda kee sanat 2018 kobox naharsi kudok 17 ilaa 20 fan Addis Ababal gexsitele.
Itiyoppiyak Federaal Doolatak Madqah Eglah Pirezdantih Yan Tewodros Getachew Elle Qaddoosennal, Ayro Mawqah Afrikak Madqah Egla 8 Baaxooxa Kee 46 Alfiik Daga Takke Adoytit Lem Yiysixxigen.
Itiyoppiyak Madqah Egla Xayi Udduurih Addat Madqah Egla Tekkem Takkay Ikkah, Dago waktih Addat Ta Luddal Kaxxa Doori Diggoysaanam Xiqeenim Yiysixxigen.
Itiyoppiya Warraye Sanat Gexisseh Tan Afrikak Qadli Buxah Eglah Konferensi Arcibisseh Sugtem Kassisak, Ta Kobox Edde Anuk Qarangubal Kaxxa Koboxitte Arcibisaanam Duudeenim Ta Eglah Maqarih Sumaqta Kinnim Kassiise.
Pirezdanti elle warsennal:- Tama Konferensil Baxaabaxsa Le Ayro Mawqah Afrikah Baaxooxak Tewqeh Tan Madqa Mihratleela Kee Itiyoppiyak Qadli Siiratal Madqa Mihratleela Edde Angaluk Geytimta.
Ta Dafeyna Rakaakayal Madqa Dacayrih Aysaxaaxag, Baaxooxa Fanal Yan Angaaraw Diggoosaanam Kee Ta Luddal Inkih Tan Daddos Akah Yakkennah Abaanam Kinnim Qaddoose.
Ayro Mawqah Afrikak Gaanun Eglak Naharsi Saqalah Yan David Sigano, Isi Katuk; Ta luddal mango digir abeynit koboxul geytimtam qaddoysen; usuk Itiyoppiyah Doolat Abte Qokoluh Gadda Gacse.