Teknolooji Langil Tekkeh Tan Taamal 56 Takke Taqabitteh Calli Takke Kusaq Xalootitte Baad Caddibnih Jornaalitte Gufte - ENA Qafar Afa
Teknolooji Langil Tekkeh Tan Taamal 56 Takke Taqabitteh Calli Takke Kusaq Xalootitte Baad Caddibnih Jornaalitte Gufte
Addis Ababa, Naharsi-Kudok 13, 2018 (ENA)
Itiyoppiyak Artefishal Intelejensi Tekenolooji Langittel Tekkeh Tan Taamal 56 Takke Taqabitteh Calli Takke Kusaq Xalootitte Baad Caddibnih Majallatittel Tankattabu Xiqteh Tanim Tama Inistitiyutuk Leena Dayrekter Dr. Worku Gachena Qaddoose.
Tama Langil Qunxaaneytal Tu Ced Kee Gabat Agle Akah Diggowtannah Taddeera Bicisak Taama AKkyk Geytimtam Yiysixxige.
Itiyoppiyak Artefishal Intelejensih Inistitiyut Naharsi Malak Dr. Abiy Acmad Mablah Racissol Sanat 2013 I.L.L Xissimteh Tan Udduuruuk Xabba Haanam Taturte Koona Sanootah Addat Assakat Le Dadal Tuskuttubeh Tanim Kassiise.
Dr. Worku Gachena, Tama Inistitiyutu Qasri Teknolooji MIssoosak Bica Le Taama Dariifa Hadalaanam Xiiqeenim Ascassuuk, Tahak Ugut Abak Qalaltam Kee Taqabitteh Calli Geysissah Tan Kusaq Kee Cubbusso Taamoomi Abak Geytimaanam Baxxaqse.
Ceelalloh Baad Caddibnal Anaakaratam Xiqta 56 Takke Kusaq Xalootitte Baad Caddibnih Majallatittel Yitbiqeenih Geytimaanam Qaddoose.
Tama Kusaq Xalootitteh Fanak 9 Takkemi Misinkica Ikoytiinih Dacayri Akah Geytannah Tekkeh Tanim Ascassuuk, Ta Xalootitte Kaaduk Kalah Tan Kusaq Xalootitte Akah Diggowtanna Akkuk Geytimtah Tanim Yiysixxige.
Mango Baaxooxa Qaafiyataay, Buqre Kee Ayfaafay Langittel Artefishal Intelejensih Tekenoloojit Antiffiqimuk MUrtisso Fayya Haanam Kee Ayfaafay Mattaco Qasriino Akah Tallennah Abak Geytimaanam Kassiise.
Tah Kinnuuk, Artefishal Intelejensit Cattiimak Baaxo Kee Ayyuntak Manfaqat Fayya Akah Iyyannah, Horal Taamitaanam Faxximtah Tanim Qaddoose.
Ta Langil Yanih Yan Qunxaaneytak Tu Ceed Kee Gabat Agle Diggossah Tan Baxaabaxsa Le Taddeera Bicisak Taama Akkuk Geytimtam Yescesse.
Awayi Waktih Addat 200 Yakke Qimbissah Tan Hadal Mihratleela Tama Inistitiyutuk Start Up Taddeeral Angaluk Taamitak Geytimaanamat Yaabe.
Fayya Le Baritto Fanteeniti Lih Cattiimak Tama Langil 2hayto Kee 3hayto Caddoh Digril Aydakaakan Leh Yan Sihadayti Cayla Racisoonuh Takke Taama Diggoyseenih Geytimaanam Tama Leena Dayrekter Qaddoose.
"Intelejesi Inkih Yan Marah" Inta Maxcol Artefishal Intelejensi Kulli Sekterittel Abbinoosaonuh Hangi Akah Yontocowweh Taama Elle Akkuk Geytimtam Yiysixxige.
Itiyoppiyak xaagi Raceena