Itiyoppiya Baxaabaxsa Le Baaxooxa Lih Leh Tan Tellemmo Fantaaxow Diggoysak Geytimta

 

 

Addis Ababa; Naharsi Kudok  10/2018 ILL (ENA)

 Itiyoppiyal Leh Tan Investimentih Dootititte Yaysaxaaxagoonuh Gaddaloola Baaxo Fanah Hirgoonuh Abak Geytimina Macla Tellemmo Fantaaxow  Diggoysoonuh Akkuk Geytimita Abbinitte Fooca Fanah Maqarroose Loonum Baxaabaxsa Le Baaxooxal Geytimtah Tan Itiyoppiyah Embaasittey  Qaddoosse

Baxaabaxsa Le Baaxooxal Geytimtah Tan  Itiyoppiyah Ambassadaritte  EN A Elle Qaddossennal Itiyoppiyah Murtitte Yaysexeexegeenim Kee Baad Qadaagah Qalayli Akah Dadlisan  Innah Macal Akkuk Geytimam Qaddoose

Kuwetil  Geytimta Ityoppiyah Embaasih Saqal Ambasadder Saqid Macammad (Dr.)  Kuwet Itiyoppiyah Makcakkur Le  Qokol Kee Taama Abeynit Fanteena Kinnim Qaddoose.

Itiyoppiyah Murtik   Cadooy, Bunaay, Caxaaxuwa Kee Caxâ Muritte  Kuwet  Qadaagah  Fanteenal Yaysexeexegoonuh Macala  Qimbiseenim  Ascassuk, Kuwet Qadaagah Fanteenal  Dooro Le Murti Akah Yakkeh Innah Macalak  Geytimaanam Qaddoose.

Murti Kuwet Qadaagah Fanteenal Baara Luk Yaysaxaaxagoonuh  Namma Baaxok Tellemmo Malah Buxa Faxximta Taama Sitta Luk Abak Geytimaanam Qaddoose.

Kuwet Gaddaloola  Itiyoppiya Fanah Amaatuk Investimentitte Akah Aban Innah Qidaddo Diplomaasih Taamoomi Qimbiseenih Yaniinim Ascassuk,Tama Namma Baaxoh Fanat Yanih Yan  Qidaddoh  Fantaaxow  Diggosoonuh Hangi Akah Acyuk Taamitak Geytimaanam  Qaddoose.

Away Itiyoppiyah Addal 22 Takke Kuwet Gaddaloola Taamitak Geytimtam Kassiisak,  Tonnah Mangohntannih Tan Kampanitte Itiyoppiya Fanah Akah Culena Innah Walal Qimbiseenih  Geytimaanam Qaddoose.

Birtaaniya Kee Kilbatti Ayrelandik Itiyoppiyah Ambasadderih Tan Burok Mekonnen Elle Qaddossennal, Tama Embaasi Tellemmo Aysaxaaxag Gudgud Bicisak Investmentitte Akah Hirigan Innah   Taamitak Geytimaanam Qaddosse.

Itiyoppiyah Xaylo Kee Itiyoppiyah Xayloh  Xaylo  Edde  Angaluk Baxsa  Le Hangi Akah Acyuk  Macalak  Geytimaanam Qaddoose

Qidaddo Milaaguk Katayak Dariifal Geytimtah Tan  Kabxah Eglaali Itiyoppiyal  Lih Investimenti Abaanamih  Fayxi  Loonum Qaddoosen .

Tamaha Lih Xayi Udduurih Addat Itiyoppiya Kee Biritaaniyah Kabxah Egla Xissimteh Tanim Kee Qimboh Addah Maysaxxagah Gudgud Londanal Gexseenim  Yaniinim Kassise.

Katayak Kabxah Egla  Itiyoppiya Gufne Abak  Aysaxaaxag Gudgud Gexiseloonum Yiysixxigen.

#Itiyoppiyak Xaagi Raceena