Itiyoppiya Afrikal Sarrimaane Le Buqre Dadalak Ceelallo Akah Takkennah Taama Akkuk Geytimta - Gifta Addisu Aregga - ENA Qafar Afa
Itiyoppiya Afrikal Sarrimaane Le Buqre Dadalak Ceelallo Akah Takkennah Taama Akkuk Geytimta - Gifta Addisu Aregga
Addis Ababa Naharsi Kudok 9 Sanat 2018 (ENA)
Itiyoppiya Afrikal Sarrimaane Le Buqre Dadalak Ceelallo Akah Takkennah Taama Akkuk Geytimtam Buqre Malak Addisu Aregga Qaddoose.
2heele Mafdagak Buqre Komershalayzeshin Taddeerak Qimbisiyya Gudgudul Gifta Addisu Areggal Elle Qaddoosennal:- Buqre Qasriino Akah Tallennah Abak Murtisso Fayya Akah Intannah Takke Macalittel Fayya Le Caddol Xalot Baahak Geytimtam Yiysixxige.
Itiyoppiya Buqre Langih Tabaatabsal Rosqa Milaaguh Gaba Ace Sinni, Hadal Lem Kee Gabah Assagolla Leh Tan Taama Akkuk Geytimtam Qaddoose.
2heele Mafdagak Buqre Komershalayzeshin Taddeeral 6 Ximmooy 5 Miliyon Takke Baaxo Xaylo Tuxxiq Edde Geytam Kinnim Ascassuuk, Aham Itiyoppiyak Buqre Tabaatabsa Abak Geytimta Macalak Mayballa Kinnim Baxxaqse.
Buqreh XiinaDudda Gabluisaanamaay, Qadaagah Angaraw Diggoysaanamaay, Dago Buqre; Taamitta Buqreh Xiina Buqre Tellemmoh Hadalah Tabisaanam Kee Itiyoppiya Afrikal Sarrimaane Le Buqre Dadalak Ceelallo Abak, Ta Taddeerah Madma Kinnoonum Qaddoose.
Ta Taddeeral Buqre Kibal Diggoosiyyal Takkeh Tan Macalitteh Qokol Takkeh Tanim Yescessen.