Agat agattiina ummattah Ayroh waynaboh rakaakayak fanah yemeeteh yan qibni baxaabaxsa le wacaysir aroocat gufne abak geytima.

Addis ababa naharsi kudok 8/2018(ENA)

20haytoh addah nassakaxxeh nan Agat kee agattiinah ummattah ayroh waynaboh fanti Itiyoppiyah rakaakayak fanah yemeeteh yan qibnih wacaysir aroocat gufne aboonuh faxxiimah yan bicak gabe kaleenih geytimaanam qaddoose.

Ta  ayro rakaakayal yassakaxxeenim  ginooy, aydaadu kee qaada wacaysir arooca yaysaxaaxagoonuh kaxxa doori lem rakaakayak qaada kee wacaysir biirok ciggiila saqla kee wacays Luddih salqa gifta macammad noora saliy qaddoose

.

Tah rakiibo abak qibin Yamaateh  yan waqdi shalinuk wacaysir aroocat gufen aboonuh faxximtah tan taama tekkeh tanim ENA  lih abe  yaabal Qaddoose.

Baxaabaxsa le aroocal  wacaysir  fantenaanik Tiya Baadak Sugeeti daarinittey Midre Kebed Abo Dabbo, Silte Muuziyeem, Hare Sheitan Kaluuy, Arto Ful Leey, Sera Festivaal, Mechefera Bad, Wegena Laahi Loowoh Siirat, Hambarcho  Eko-Wacaysir arooca tanim qaddoose.

 

Tonnah ossitinah qaada maaqo kee qaada sartanay tonnah baxaabaxsa le qadoodi yaysaxaxagoonuh  hangi Akah acyuk taamitak geytimaanam qaddose.

Huteelittey qibina elle arcibisan aroocay ossotinah ayfaf Taceh tan fantenaaniy   Itiyoppiyak fanti rakaakayak ayyunti qibinah arcibisaanamih qaadal yamixxigeh yan ayyunta kinnim qaddoose.

#itiyoppiyak xaagi Raceena