Afrikah Qunxaaneyti Salaam xisoo kee margaqa Mattacol gabat agle fayya haanam faxximta - ENA Qafar Afa
Afrikah Qunxaaneyti Salaam xisoo kee margaqa Mattacol gabat agle fayya haanam faxximta
Addis Ababa; Naharsi kudok 5/2018 (ENA)
Afrikah Inkiinoh Eglak Salaam Kee Saay Malah Buxa Afrikah Baaxooxa Salaam Xisne Kee Siyaasah Margaqooqil Qunxaaneyti Gabah Assagolla Osisak Inkih Tan Baaxooxa Inkih Tan Margaqooqi Akah Takkennah Abaanam Faxximtam Qaddosse.
Qarangubal Qunxaaneytih Rakissoosa Maqar le Gital Abtol Asisaanam Kassisen.
Afrikah Inkiinoh Salaam Kee Nagayniinah Malah Buxa 1 Alfi 310hele Madabiino Daffeyna Onlaayinil Gexsen.
Afrikak Qunxaaneytaay, Salaam Kee Amni Caagiidil Hangi Akah Yeceen Tama Daffeynal Baxsa Luk Dabbo Caagiidal Itiyoppiya Edde Anuk Adoytiitih Tan Baaxooxa Edde Tengele.
Ta Malah buxa Koona Afrikah Qunxaneyti Salaam Ambasadderiy, Baadak Dabbo Egla (IOM) Dabbo Qunxaneyti Ambasadderiiy, Burundih Perezixanti Awlaytu Evaristo Ndayishimiye Ambasadder Willi Nyamitewe, Afrikah Inkiinok Qunxaneyti Salaam kee Saayah Faya le Doori Lem Kinnim Xayyoosen.
Salaam Kee Saay Malah Buxa Afrikah Inkiinoh Adoytiitih Tan Baaxooxa Qunxaaneyti Salaam Kee Saay Caagiidal Agat Caddol Abni Ekraaro Bicisaanam Meqe Maqatta Kinnim Qaddoysen.
Ta Egla Qunxaaneyti Dooro Lowsiisiyyaay, Bood Kalalih Diplomasiiy, Wagari Kee Salaam Xisneey, Tabsi Qadliiy, Kee Inkih Tan Maritteh Gabah Assagolla Akah Yaysiisen Innah Abak Geytimaanam Qaddoysen .
Afrikah Inkiinoh Egla Qunxaaneyti Siyaasah Gexsitittey, Ximokraasih Xiinisso Kee Pan-Afrikah Miraaciinu Leh Yan Doori Dadlisoonuh Abak Geytiman Taama Mamaxaga Teceem Qaddoysen .
Takkay Ikkah Taama Sinnaay, Ayyuntiino Kee Qidaddoh Baxsi Kee Boliisih Abnisso Qaku Le Taqabi Kinnim Qaddosse.
Qunxaaneyti Salaam kee Nagayniinah Caagiidal Qarangubal Tan Rakiibo Maqarluk Abinosaanam Kee Qunxaaneyti Agatak Abini Ekraaroh Addat Akah Culan Innah Seeco Xayyosse.
Qidaddo kee Ayyuntiinô Baxisiyyih Calli Yacoonuh Sissik Maqattoti Beyaanam Faxximtam Kassisen.
Ta Malah Buxa Missoynaani Kee Adoytiitih Tan Baaxooxa Koobaahissoh Cogdaadi Maqarosaanam Kee Qunxaaneyti Salaam Kee Amni Kee Dabbo Caagiidal Afrikah Inkiinok Taski Forsi Akah Xisan Innah Esserenim Afrikah Inkiinok Geyne Oyti Yascasse.
#Itiyoppiyak_Xaagi_Raceyna #ENA