Ciggiila Naharsi Malak Temesgen Tiruneh Haykih Magaalal Xissimte Baritto Buxa Dooqayse - ENA Qafar Afa
Ciggiila Naharsi Malak Temesgen Tiruneh Haykih Magaalal Xissimte Baritto Buxa Dooqayse
Addis Ababa, Naharsi Kudok 05, 2018 (ENA) Ciggiila Naharsi Malak Temesgen Tiruneh Gabbi Welloh Rasuk Haykih Magaalal Belayneh Kinde Fawundeshinit Xissimte Baritto BUxa Dooqayse.
Ciggiila Naharsi Malak Temesgen Tiruneh Gabbi Welloh Rasul Baxaabaxsa Le Daddos Taamoomit GUfne Abem Kee Gaba Kalteh Tan Projektitte Taama Qimbisise.
Asaakih Ayro Belayneh Kinde Fawundeshin Xisseh Tan Gebeta Le Hager Hayki 1hayto Kee Fanti Caddoh Barittoh Buxa Dooqaysen.
Tama Barittoh Buxa Sanat 1976 ik Xabba Haanam Ayfaafay Acayuk Sugtem Takkay Ikkah, Mango Karmah Ayfaafay Teceemih Taagah Addagalluk Sugteh Tanim Baritto Bu Buxa Kee Dariifah Ayyunti Qaddoose.
Away Tama Barittoh Buxa Gaddalih Yan Belayneh Kindeh Qokolut Qusubih Xisak 2 Alfiik Daga Takke Barteynit Harigtaamih Xiqto Akah Tallennah Abeenih Geytiman.
Ta Barittoh Buxah Xisneh 75 MIliyoonih Birrih Awqenta Akah Abeenim Kinnuuk, 16 Takke Elle Bartan Footimaami Le.
Tama Barittoh Buxah Abrihot Kitooba Qarik Kitooba Qokol Akah Yekkeh Yanim Qaddowte.