Leeda Partik Fayya Le Miroctih Amcawwuk Suge Aydakaakan Yumurruqe - ENA Qafar Afa
Leeda Partik Fayya Le Miroctih Amcawwuk Suge Aydakaakan Yumurruqe
Addis Ababa Kaxxa Garabluk 30 Sanat 2018 (ENA)
Leeda Partik Fayya Le Caddoh Miracinuh Acayok Sugen Aydakaakan Partik Prezdenti Kee Efedrik Naharsi Malak Dr Abiy Acmad Yece Taamah Afkanal Yumurruqe.
Partik Ciggila Prezdenttiy Kutbe Buxah Saqal Gifta Adam Farac Iyyemihi :-Qikkibow Doolatih Mabla Ludditteh Assakatah “Inta Itrol Leeda Partih Miroctih Baxabaxsale Ammontittel Amcawwuk Sugtem Yiysixxige.
Kaxxa-Garabluk 19 Ilaa 30 Adama Magaala Kee Addis Ababah Magaalal Amcawwuk Sugte Partik Prezdenti Kee Naharsi Malaak Dr Abiy Acmad Yece Taamah Afkanal Yumurruqe.
Tama Tadderat Inkih Tan Itiyoppiak Tewqeh Tan 2Alfiih Gaba Bahta Fayyo Le Caddoh Mirocti Edde Tengelem Gifta Adam Farac Ayyuntiino Rettimal Tatruseh Yan Oyti Yiysixxige.
Ta aydakaakan, kaxxa tuxxiq le Mablah inkittinaane ginaanam kee abinah Xayyosak dadlisaanam, partik nummah astooti agat inkittinaane kinnim qaddosen.
Aydakaakan Tadeera Bicak xabba Haanam Xayyoysaanamay, Buttah Walalay, Abakraag Tabaatabsaay, Daddos Cugaysoosa Kee Amoqayxi Fanah Akah Gexannah Isinni Qaaqa Kibteh Tan Misoynaanih Gadda Gacise.
Tahak Ugut Abak Kobaahiseenitiiy , Aydakakaniseenit , Saay Dacayrih Eglaaliy, Oromiyah Rakaakayih Doolat Kee Baxaabaxsa Le Eglaaliy , Adaama Magaalah Xiinissooy, Addis Ababah Magaalah Xiinissooy, Aydakaakanat Tengeleh Tan Inkih Tan Miraaciinih Gadda Gaciseh.