Itiyoppiya Kee Jappaan Fantaaxaw Mango Luddal Sitta Lih Diggowak Geytima.

Addis Ababa Kaxx Garabluk 29 Sanat 2018 (ENA) 

Itiyoppiya Kee Jappaan Diplomaasih Angaaraw Mango Luddal Sitta Lih Taamitaanamih Taama Diggoowak Geytimaanam Itiyoppiyal Jappaan Ambasadder Shibata Hironori Qaddoose. 

Jappaan Qaadah Ayro A saakih Ayro Addis Ababal Baxaabaxsa Le Baaxooxak Tewqeh Tan Diplomaasih Eglaali Kee Baxaabaxsa Le Ankacsa Elle Geytimte. 

Itiyoppiyal Jappaan Ambasadder Shibata Hironori Tama Walalal Qaddoose; Namma baaxoh fanat sitta luk rakitak maqar le diplomaasih angaaraw yanih yan. 

Jappaan Doolatak Barittoh Taddeera Mangoh Tan Itiyoppiyah Xayloh Barittoh Saami Kinnim Ascayyuk Mango barteenit Jappaan Baadak Koobaahissoh Ejensik (JICA) aydakaakan barnaamijih addat geytimtam qaddoysen. 

 

Namma Baaxoh Fanal Ummatta kee Ummattah Angaaraw Dadlisoonuh Faxxima Doori Digraanam Yescesse. 

Jappan Kee Itiyoppiya Diplomaasih Angaaraw Akah Yaybulleen Innah Abak Geytimaanam Qaddoosen. 

Jappaanal Afrikah addal geytimtah tan naharsi diplomaasih angaarawih addat geytimta kee Siyaasaay, qidaddooy, Qaadaa kee ummattak ummattah fantaaxaw maqarroosak geytimtam Qaddoysen. 

Jappaan Barittooy, Qaafiyat Kee Buqreh Caddol Maaliyyaa Kee Teknik Qokol Abak Geytimtam Qaddoose. 

Tamaha Lih Jappan Kee Itiyoppiyah Angaaraw Fooca Fanah Akah Diggowannah Abak Geytiman Macal Akah Diggowannah Abak Geytimaanam Qaddoose. 

Qaada Kee Isporti Malaakak Ciggiila Saqalah Yan Gifta Acmad Macammad Itiyoppiya Kee Jappan Maqarle Angaaraw Le Baaxooxa Kinnim Qaddoose. 

Ta Qaffayda Itiyoppiya kee Jaban Fanal Ummattah Yan Qaada Angaarawih Qaduk Yan Mayballa Kinnim Yescesse. 

Ta Qaffaydoodi Ayyunta kee Ayyunta Fantaaxaw Maqarroosaanamal Kaxxa Tuxxiq Lem Kassise. 

#Ityoppiyah_Xaagi_Raceyna
#ENA