Baatil Butta Ciwaacat Magaalel Abteh tan Maysattaka Wagittaamal Doolat Angaarawih Biiro Maybalaalaqa Tecee .

     Addis Ababa Kaxxa Garabluk 27 Sanat 2018 (ENA )

Baatil Butta Ciwaacat Kilbatti Rasuk Magaalel Abteh tan Maysattaka Wagittaamal Qafar Rakaakayak Doolat Angaarawih Biiro Maybalaalaqa Tecee .

Tama Maybalaalaqa Ciggiilak Xayyoowele .

Dumi Finqak Barte sinni Baatil Butta Ciwaacat Qafar Cuduud Tabak 6 Takke Makaftooti Caylat Lowsiisak Qab Qasal Morter kee Z 23 Silaacitteh Aaguruk Dumaak Abak Ten Gano Qimbisseh Geytinta .

Kimaalih Ayro Kaxxa Garabluk 26, sanat 2018 Liggidah Idoolah tan Baatil Butta Ciwaacat Kilbatti Rasuk Magaale Daqaarak Tonsi Awdaay Warqa kee Milki Xiqsitta Dariifal Cuduuduk Tabak Barak Inki Saaqatih Udduur Gabqasah tan Qafar Dacarsittoh Xiinal Kaxxa Silaac Rakiibo Abak Pirtooriyah Sittingey Aggiluk Carbi Qaduuk Qimbiseenih Geytiman .

Carbi Sinnim Xiine sinni Idoola Butta Ciwaacat Tonsah Awdal Carbi Fakteh tan Udduur Dumaak Salaam Goranal Tamixxige Qafar Idoola Kak Yemeeten Dariifa Kah Yandabben innah ken Kallactem Takkay immay Idoola Abteh tan Salaam Seeco Cinak Qaduuk Carbi Fakeenih Geytiman

Kimal Aben Baatil Abtok Barte sinni Idoola Butta Ni Cuduud Tabak Abteh tan Baatil Abtok Sissikuuk Awqe waytek Qafar Agatih Rakakaayih Doolat Isi Ummattah Amni kee Cuduudih Konnabnaay Tonnah Irok takkeh tan Faxe Qaynatih Ganaasaqo Kalaltuh Faxxima iyya Masquuliyyatak Awqelem taaxigeenim Faxxinta Axcuk Qafar Rakaakayak Doolat Angaarawih Biiro Maybalaalaqa Teyyeeqe .