Rakaakayal Wacaysir Arooca Dadlisoonuh Baar le Taama Akkuk Geytimta - ENA Qafar Afa
Rakaakayal Wacaysir Arooca Dadlisoonuh Baar le Taama Akkuk Geytimta
Addis Ababa Kaxxa-Garablu 26, 2018 (ENA)
Oromiyah Rakaakayih Doolatal Wacaysir Arooca Baarisaanam Kee Ta Luddal Geytimta Culenti Osisoonuh Macal Akkuk Geytimaanam Rakaakayak Wacaysir Komishin Qaddoose.
Oromiyah Rakaakayak Wacaysir Komishinik Ciggila Komishiner Nega Wedajo Fana Digitalah Elle Qaddossennal Rakaakayal Aysaxaaxag Edde Anuk Wacaysir Aroocah Daddos Taama Akkuk Geytimtam Qaddoose.
Naharsi Malak Dr AbiyAcmad Tatre Ayyaamah Rakaakay Caddol Kaxxa Tuxxiq Leh Tan Bale Agat Parki Tonnah Kalah Tan Wacaysir Fanteenit Gufne Abeh Sugem Kassise.
Baale Agat Parki Dariifa Milaagi Sisikuk Inkih Tan Rakaakayih Daddos kee Kaxxa Tuxxiq Lem Baaxok Maduur Dadlisaanamih Taama Tekkeh Tanim Baxxaqse.
Rakaakay Wacaysir Maritteh Ixxima Udduruk Uddur Osak Geytimtam Kassiiseeh, Sanat 2017 Mizaaniyyat Liggidal 24 Milyoonuk Daga Takke Baaxoh Addah Kee 200 Alfiik Daga Takke Iro Baaxoh Wacaysir Maritteh Qufne Abteh Sugtem Yescesse.
Mizaaniyyat Liggidal Wacaysir Ayfaafih Maxxat Fayya Haanam Kee Rakiibô Daddos Dadlisak Wacaysir Maritteh Ixxima Osisoonuh Kee Ta Luddal Geytimta Culenti Osisoonuh Macal Akkuk Geytimaanam Qaddoose.
Rakaakay Caddol Konferensih Wacaysirih Daddalak Geytimam Kassiisaak, Jimma Magaalay , Adaama, Bishoftu Kee Batu Ta Caagiidal Kaxxa Taama Abak Geytimaanam Qaddoose.
Magaaloolul Baxaabaxsa Le Konferensitte Kee Aydakaakanitte Gexsitak Geytimaanam Kee Tah Kaadu Rakaakayal Tan Sekterih Culentah Fayya Le Caddol Geysissam Yoysixxige.
Wacaysir Dadal Baaxok Maduur Dadal Inkih Yan Caddol Osiselem Qaddoyse Ciggiila Komishiner Ayyuntaay, Miixiyaay, Canka Sekteritte Kee Wagitta Dagorti Ta Luddal Fooca Fanah Dadlisoonuh Macal Akah Aban Innah Abak Geytimanm Qaddose.