Itiyoppiyak Nabah Yan Asqassaabe Karawad Dariifak Geo-Political Caalota Milaagak Diplomaasih Luddal Meqe Taama Akah Takkennah Abak Geytimaanam Qaddoosen. - ENA Qafar Afa
Itiyoppiyak Nabah Yan Asqassaabe Karawad Dariifak Geo-Political Caalota Milaagak Diplomaasih Luddal Meqe Taama Akah Takkennah Abak Geytimaanam Qaddoosen.
Addis Ababa Kaxxa Garabluk 26 Sanat 2018 (ENA)
Itiyoppiyah Asqassaabe Karawad Rakaakayak Geo-Political Caaloota Milaagaanam Kee Diplomaasih Luddal Meqe Taama Akah Takkennah Abak Geytimaanam Mixigitte Qaddoyse.
Addis ababah jaamiqatak ardi siyaasa kee afrikah kusaaqih fanteenal barseena kee kusaq abeena professor tesfaye tafesse kee aydaadi tu taaxago professor Ayele bekeri ENA Luk abenwalalaGexsen.
Amo baxxaaqa le baaxo isi gino gaddat yantifiqeenim kee edde yantifiqoonuh dudda le gaar lem Qaddosen.
Itiyoppiya isi gaddat gersi mara biyaake wayta gurral edde yantifiqeenimih gar lem tutaaxago tescessimeh kee Agat Mihratleela Dacrisoonuh Takkeh Tan Taamoomi Diggowtam Faxximtam Yiysixxigen.
Itiyoppiya Qimmisseh Tan Cugaysoosa Agat Tuxxiq Dacrisoonuh Kee Baaxo Xaylo Baaxo Xakak Yayyaaqeenimil Kaxxa Doori Lem Aydaadi Tutaaxago Profeser Ayele Bekeri Qaddosse.
Addis Ababah Jaamiqatak Ardi Siyaasa Kee Afrikah Cubbussoh Fanteenah Barseena Kee Kusaq Abeh Yan Profeser Tesfaye Tafesse Itiyoppiya Renasansi Karawwadih Xisne Wagsiisak Itiyoppiya Kaal Ugutak Sugte Gutqo Kalaltuh Meqe Xiplomaasih Macal Abteh Tanim Qaddoose.
Maqar le Xiplomasih Macalite Doolat kee Baaxo Xaylo Miracisak Sugte Dagorti Itiyyobiyah Sadih Mabla Aysexexeguk Itiyyobiyah Xaqul Soolaanam Faxximtam Qaddoysen .
Profeser Ayele Bekeri Kaaduk Itiyoppiya Baad Madqah Madqooqih Caagiida Diggoysak Girand Ethiopian Renaissance Karawwadih Xisneh Taama Gaba Kaltem Kassisse.
Masri Qabal Weeqaytu Lowsiisaanamih Fayxi Gabakalteh Tanim Cedak Qasa Badih Forom Deqsitta Butta Xisse Axcuk Qaddoose.
Masri, Forum Catotta, Itiyoppiya Qasa Badih Caagiidal Faxe Gabah Assagolla Akah Alle Waytannah Abak Geytimta.
Ta Angagoyya Sadoonuh Maqarle Diplomaasih Macalitte Faxximtam Qaddoosen.
Nabah yan Itiyoppiyah Asqassaabe Karawwad Rakaakayal Ardi Siyaasah Milaagi Milaageh Yanim Kassiisaak Diplomasi Luddal Yeyyeeqeh Yan Mayso Diggoose.
Tamaha Lih Itiyoppiya Agat Tuxxiq Dacrisoonuh Abak Geytimta Diplomaasih Macal Axaw Lem Yescesse.
#Ityoppiyah_Xaagi_Raceyna
#Ityoppiyah Xaagih Raceyna