Doolat Agat Tuxxiq Akah Daccarsimannah Hangi Acayuk Taamitak Geytimta - ENA Qafar Afa
Doolat Agat Tuxxiq Akah Daccarsimannah Hangi Acayuk Taamitak Geytimta
Addis Ababa Kaxxa Garabluk 24 Sanat 2018 (ENA)
Doolat Baaxok Agat Tuxxiq Akah Daccarsimannah Taamitak Geytimtam Doolat Angaarawih Ayfaafak Ciggila Malaakah Yan Kebede Desisa Qaddoose.
Ciggila Malaak Iyyemihi :-Itiyoppiyak Agat Tuxxiq Dacrisaanam Dibuk Doolatak Wambaalimtam Akkkalewaanam Faxximtam Kassise.
Agat Tuxxiq Dacrisaanam Baaxo Miraacisak Geytimta Partihim Hinnaya Horak Horal Tabta Baaxoh Ajenxak Abluk Beyaanam Faxximtam Baxxaqse.
Nabah Yan Itiyoppiyah Asqassaabe Karawwad Baaxok Maddur Dadlisaanam Kee Agat Tuxxiq Kee Muddaqiino Dacrisoonuh Kaxxa Doori Lem Yescesse.
Iro Baaxoh Gaadule Itiyoppiya Isi Agat Tuxxiq Dacrisak Akah Dacrisewaytannah Bool Sanootah Taqabi Ginak Sugeenim Kassiiseeh.
Takkay ikkah Itiyoppiyah Xaylo Inkittinaane Kee Sittalluk Taamitak Aben Giclot Naqboytit Niya Baxqisak Abbay Agat Tuxxiqil Akah Asannh Abak Agat Tuxxiq Dacrisen.
Ummta Baaxoh Caagidil Hebelto Baxabaxsa Abekal Agat Tuxxiq Sittallih Dacrisanam Kaxxa Ceelallo Kinnim Yescesse.