Qunxaaneyta kee Sayyo Saay Diggoowuh Isi Doori Digirtam Faxximtam kassiisen - ENA Qafar Afa
Qunxaaneyta kee Sayyo Saay Diggoowuh Isi Doori Digirtam Faxximtam kassiisen
Addis Ababa Kaxxa Garabluk 21 Sanat 2918 (ENA)
Rakaakayal sarrimaanele salaam diggoowuh Qunxaaneyta kee sayyo isi doori digraanam faxximtam yiysixxigen.
Amaara Rakaakayak Bahir Xaar Magaalah Xinto "Qunxaaneyta Kee Sayyo Gabat Agle Sarrimaneh Yan Salaam Diggoysuh" Inta Farmo Aysaxaaxag Abak Geytiman.
Bahir Xaar Magaalah Xiinissok Qunxaaneytaa Kee Isporti Kutbeh Buxah Saqalah Yan Thomas Tamiru Tama Forem Fakkeh Yan Wak Elle Qaddoosennal; qunxaaneyta kee sayyo sinni doori digraanam faximta rakaakayal sarrimaanele salaam yanuuh.
Baaxo Edde Tuxxiq Arac Akah Geyan Innah Qunxaaneyti Baaxo Kee Rakaakayal Boodeh Yan Taqabitte Calli Akah Geytannah Abak Amaan Le Salam Akah Yakkennah Qunxaaneyti Isi Doori Digraanam Faxximtam Kassise.
Qunxaaneyti Iro Baaxoh Egla Akah Yaynukusen Innah Qunxaaneyti Sitta Lih Taamitaanam Kee Itiyoppiya Angaysuk Geytimta Daddos Kee Meqe Xiinissoh Taama Fooca Fanah Akah Gexannah Abaanam Faxximtam Kassise.
Isi katuk Bahir Xaar Magaalak Sayyoy, Alaaqa kee Ayyuntiino Caagiidah Kutbeh Buxak Saqalah Tan Gifti Sabile Zewdu, Qunxaaneyta Kee Sayyo Baaxoh Salaam Kee Daddos Giffole Milaagih Fanteena Kinnimih Taagah Nanu Tumbulleh Tan Salaam Kee Saay Diggosnuh Isinni Doori Akah Digran Innah Seeco Xayyosse.