“Simret Parti Tigray Rakaakayal Siyaasa Doorit Yanu Kee Mabla Baarisso Tanuh Cato Aalle Lem Yiysixxigen” Simret Ximokraasih Missoyanah Malah Buxak Adoytah Yan Taqame Qarexo

Addis Ababa Kaxxa Garabluk 21 Sanat 2018 (ENA)

Simret Ximokraasih Missoyanah Malah Buxak Adoytah Yan Taqame Qarexo Elle Qaddoysennal Iyyeemih Simret Ximokraasih Missoyana Xissimteh Tigray Rakaakayal Siyaasa Kee Mabla Baarissooy, Doorit Yanuh Kaxxa Saami Gintam Ginnim Baxxaqise.

Simret Ximokraasih Missoyanak Leenah Hadafah Tanim Ayyunti Curriino Kee Faxeenimit Yaabaanamih Gar Akah Geyan Innah Kinnim Baxxaqise.

Tigray Rakaakayal Yanin Yan Siyaasah Siirat Kee Angagoyyat Ayyunti Gabat Agle Isih Elle Faxennal Haysituh Saami Suge Weeh Yanim Kee Inki Missoynah Dastuurut Gexaanamak Doorit Luk Suge Weenih Yaniinimiiy Baxxaqisem.

Tahak Ayyunta Kee Ratteemal Baxsale Xukko Kee Ammas Kataasak Sugtem Tanimiiy, Qaddoysem.

Canka Marih Gar Kee Curriino Dacrisaanamak Sarrah Rakaakayal Mango Missynaaniy, Ayyunti Is Fayxik Dooritam Xiqa Suge Waytam Kee Taham Mango Taamoomiy Akke Raxxe Deberteh Tanimiiy Qaddoysem.

Rakaakayal Yanin Yan Siyaasah Siiratih Taqabi Missoysoonuy, Yafdigoonuh, Rakaakayal Mango Missynaani Tanim Faxximtah Tanim Kee Taham Kaadu Ayyunti Isih Faxah Yan Xagar Akak Doorituh Saami Taceem Kinnih Tanimiiy Qaddoysem.

Simret Ximokraasih Missoyana Kaadu Ayyunti Fayxik Ugut Abtah Missoynay, Naharsiino Kee Kuux Ayyuntah Taceem Kinnih Tanimiiy Baxxaqisem.

Rakaakayal Doolat Missoynah Fanih Baxsi Qaduuk Akah Yamballe Inna Kee Missoyanaanih Fanah Yan Baxsi Baxxaqqa Luk Akah Yamixxige Innah Xiqsissa Abto Kinnih Tanimiiy Diggoysem.