"Salaam gital yamaate marah mamuq hinnaay ittalluk taamitnuh gulguluh nan" naharsi malak Abiy Acmad (Dr)

Addis Ababa Kaxxa Garabluk 18 Sanat 2018 (ENA)

salaam gital yamaateh yan xagarah mamqa dibuk hinnaay ittalluk taamitoonuh gulguluh nan axcuk naharsi malaak Abiy Acmad  (Dr) qaddoyse.

6 heele ummattah awlaytiitih miglisik 5 hatô taamâ dabaanak 2 hatô madab koboxul ummattah awlaytiitih miglisih adoytit heeh yan esserol naharsi malaak raddi acayuk geytima.

Naharsi malaak ta udduur elle yescesse innal iyyeemihiy, saay gital yemeeteh yan xagarah gulguluh yaniinim baxxaqise.

Naharsi malaak elle qaddoyse innal Itiyoppiya rammitteh mannowtu faxxah tan baaxooxa  elle tan udduurut agat kunnabna dacrise waanam kaxxa taqabi iyye.

Ta taqabitte elle tan gurral saay diggoysaanam macal faxsissam kinnuk itiyoppiyal doolatitte saay gital korsaanam faxxintam diggoyse.

Naharsi malak qagitaak iyyeemihiy, agat kunnabnal itta geynek isi fayxi xaquh haak massooweh yan qadli tatur kee mabbalow koomishinit yantifiqqimeenim faxxintam qaddoyse.