Rakaakay Caddol Qimboh addah Catta Hora kee Qunxaaneyti Qaafiyatih Foremih Daffeena Gexsen.(ENA)

Addis Ababa Kaxxa Garabluk 17 Sanat 2018

Baaxo Caddol 6 Haytoh addaay Qafar Rakaakayih Caddol 1 hayto addah Gexsan Catta Hora kee Qunxaaneyti Qaafiyatih Forem Dubti Hospitaalal Daffeena Gexsak Maacisen .

Tama Daffeenay Baadak Bar Qunxih Yakke Soonibinih Waasoh Ayro Sabab Abak " Inkittiino Abini Maaqattah Maqar le Qokkolsimiyyat Gufe kal Aban Idqiino Raaqisnay" Inta Itrol Gexseenih Yaniini Rakaakayak Qaafiyat Biiro,Rakaakayak Catta Hora kee Qunxaaneyti Qaafiyatih Malah Buxa Qaafiyat Malaak luk Cattiimak Gexsen. 

 

Tama Gudgudul Rakaakay Miraaciinuuy, Federaalak Qaafiyat Malaakih Awlaytiitiiy, Diini Abbobtiiy Baaxoh Idoolaay Qunxaaneyti Awlaytiitiy Sayyo kee Seeco kah Tekke Qibni  Edde Geytime .

Akkel Geytimaak Fakkenti Yab Abeh Yan Rakaakayak Qaafiyat Biirok Ciggiila Saqal Dr Cummad Qarsoyta iyyeemih Nascubeh Nan Biso Maxco Kee Leedah Giffo le Lufta lem Qunxaaneyta Kinni iyyek Lakal Isinni kee Ayyunti Qaafiyatah Ambaasaxxer Tika Axcuk Farmo Tatruse .

Dr Cummad Qagitaak Abeh Yan Yaabal Qunxaaneytay, Sayyo kee Alaaqa Maqar kak Sinni Ayyunti Mango Caagidil Boola Baaham Ascassuuk ,Wakti kak Gufe wee Urrul Aban Digib Raaquh Diini Abbobti kee Qunxaaneyti Macalam Faxxintam Diggoose .
 
Gifti Iyyoob Getachew Qaafiyat Malakak Catta Hora kee Qunxaaneyti Qaafiyatih Fayu-abeena Kinnuuk iyyeemih  Ni Baaxoh Caddol Amoladi Ummattak 1/3 Takkem Qunxaaneyta Kinnim Ascassuuk Qaafiyat Dacrisaanam Kulli Numih Dirki Kinnuuk Numuuy isih Xiqam Abam Faxxintam Diggoose .

 

kulli Rakaakayal Tabisle Daffeenaani Gexsitak Geytinta iyyeh yan Gifta Iyyoob Getachew ta Bisle Daffeenaani Kulli  Sanatal Gexsitelem Qaddoose .

Macammad Cummad Rakaakayak Catta Hora kee Qunxaaneyti Qaafiyatih Malah Buxah Prezixenti Kinnuuk Iyyeemih a Bisle Daffeena Qafar Rakaakayal Qimboh adda Gexsitak Geytintam Kassiisak Asaakih Daffeenal Daqoorit kee Rasitte Awlisak Yemeeteh yan Mari Yengeleh Yanim Ascassuuk Ta Maritte Le Dariifal Geenih Yanin Ixxiga Ayyuntal Tabsaanam Faxxintam Yescesse.

Tama Daffeenal Rakaakayak Qaafiyat Biiro Kutbeyta Xayyoosak Fidin Walal Elle Aben.

Illacabol Walal Gudgudul Tengeleh tan Dagorti Rakaakayak Qabli Bankih Qabla Yaceenim kee Hospitaalal Daylimak Geytima Marat Gufne Abaanamih Taddeera Gexsenim Qadowte.

#Ityioppiyak_Xaagi_Raceena