Itiyoppiya afrikah baaxooxah gombod mali gira xayyoysak qedaddô dadal diggoysak geytimta.

Addis Ababa Kaxxa Garabluk 17 Sanat 2018 (ENA)

Afrikah baaxooxah gombod mali gira xayyoysak qedaddô dadal diggoysak geytimtam ciggiila naharsi malak Tamasgen Tiruuneh yiysixxige.

Nammey heele lee kee elmoh ayyaam "lee kee saytun elmo sarrimaane le dadalah" iyya ammuntal tû mabul walal gexsitak geytima.

Takkel geytimak yab abeh yan ciggiila naharsi malaak gifta elle qaddoyse innal Itiyoppiya gombod mali girah jibuutiy, kenya kee kalah tan baaxooxah xayyosam geytimtam yescesse.

Itiyoppiya gombod mali gira afrikah baaxooxah xayyoysak ittalluk aalliyay, dadal fayya haytuh taamitak geytimta iyye.

 

Itiyoppiya leh tan leê gadda nafaqil asisak algin qedaddoh dadal diggoowuh taamitak geytimtam diggoyse.

Itiyoppiya leh tan leet antafaqquk qedaddol fayya le milaagu baahak geytimtam qaddoyse.