160 Alfiik Daga Takke Buxaaxi Xisneh Kee Asqussubiyyi Taamal Dago Culenta Le Baaxo Xayloh Xayyowteh Tanim - Gifta Adem Farac - ENA Qafar Afa
160 Alfiik Daga Takke Buxaaxi Xisneh Kee Asqussubiyyi Taamal Dago Culenta Le Baaxo Xayloh Xayyowteh Tanim - Gifta Adem Farac
Addis Ababa Kaxxa Garabluk 16 Sanat 2018 (ENA)
Naharsi Rubqih Addat Dago Culenta Leh Tan Baaxo Xayloh Yeceenih Yanin Qokol Baxsa Le Xalu Lem Leeda Partik Ciggiila Prezdenti Kee Leeda Kutbeh Fanteenah Saqalah Yan Gifta Gifta Adem Farac Qaddoose.
Gifta Adem Farac Leeda Partik Ciggiila Makaadoh Daffeynal Yeceenih Yanin Afkanitte Wagsiisak Baxxaqsa Abe.
Baxaqisiyal Baaxo Xaylo Baacah Akah Yayyaaqen Innah Abak Geytiman Mangoh Tan Taamoomi Aydukumusa Xalu Geytem Kassiise.
Tahak Ugut Abak, Cato Faxxah Tan Maritteh Ixxima Sanat 2013 Elle Sugte 27 Milyoonuk Tawak 3 Milyoonuk Ramma Heenim Qaddoose.
Banaadamiyyô catoh fayxi kiboonuh abaanah yanin macal maqarrossuh murti dadlisaanamih taama baxsale gurral gexsiteleemih yaabe.
Mango Baaxo Xayloh Taama Saamih Xayyosoonuh Kuli Caddol Hangi Akah Yaceen Innah Afkan Daffeseenim Yescesse.
Dago Culenta Le Baaxo Xayloh Yaceenih Yanin Qokol Fooca Fanah Diggooweloonum Yiysixxige.
Awayih Uddur Buxah Addah Taqabi Yafdigoonuh Qimbisen Asqassaabe Kee Xisneh Taama Fooca Fanah Diggooweloonum Kassise.
Qimbo Rubqi Sanatih Addat Dibuk 160 Alfiik Daga Takke Qarwa Dago Culentale Baaxo Xayloh Asqassaabe kee Xisneh Xayoosen.
Away Yekkeh Yan Taama 39.56 Biliyoonih Birrih Lakqo Tawqeh Tanim Kassiiseeh, Tah Kaxxam Meqem kaban Kinnim Qaddoose.
Gifta Adem 1 Milyoonuk Daga Takke Barteenitih Maaqidda Kee Baritto Alaatitte Tuxxiq Edde Geytem Yiysixxige.