Baadak Adam baxi cakkih caddo Digga Allewaytam milyoonul loowimta maritteh rooci qawalaylat qiddeh Geytimta

Addis Ababa Kaxxa Garabluk 12 Sanat 2018 (ENA) 

Baadak Adam Baxi Cakkih Caddoh Dagoyso Miliyoonaatal Loowimta Maritteh Rooci Qawwalaylah Addat Geytimtam Federeeshin Malah Buxak Caxah Afteenah Yan Gifta Agenehu Teshager Baxxaqsen.

151hele Barlaamak Addah Egla (IPU) Taqabi Uddurut Banaadamiyyô Radmooma Yassakaxxeenim Kee Banaadamiyyoh Abtoota Qokolaanamih Mabla Gubat Gexsitak Geytimaanam Kassisen.

Tama Daffeynal Abeh Yan Yaabal,  Agenehu Teshager, Baad Caddol Adam Baxi Cakkih Caddo, Ni Inkih Yan Adam Baxiinih Rakiibo Kinnim, Milyoonul Loowimta Maritteh Rooci Qawwalaylah Addat Geytimtam Qaddoose.

 

dumah tumbulleh elle amixxige wayta gutqot tanim kee gabqasah yan maraay, banaadamiyyoh taama abeynit kee qaafiyat mihrat leela baadal tan boodittee kee xakak way kataasak geytimam Baxxaqsen.

Adam Baxi Cakkih Yassakaxxeenim Madqa Dibuk Hinnay Mooraal Dirki Kinnim Qaddoose. Usuk Elle yescesenal Barlaamah Tawak, Faxe Wak muxxi, Moral kee Siyaasah Dirki Ta Radmooma Dacrisanama, Mangom Maqarroosaanam, kee Adam Baxi Cakki Dacrisanama kee Duddale Abbinosso Yasmiteenim Faxximtam Kassise.