fanti Rasuk golinah daqaaral bartto konforonsi Gexsen

Addis Ababa Kaxxa Garabluk 11 Sanat 2018 (ENA)

fanti Rasuk golina daqaarak fanteeynna kalluwan magaalal TU bartto konforonsi gexsen.

taama aracal geytimak yabti Fakkenta abtem golina daqaarak Ciggila saqalah Yan gifta Ruble macammad Amin Kinnuk tama aracal abeh Yan yabal iyyem asaaku abnah nan TU baritto konforonsik hadaf urri mexxat le baritto akah barttan inna kee baritto dubuk barsenit kee baritto ku/ buxak qambalanam hiinnay kuli num isi loofti akak Beyak baritto foca fan  Bisoh hannam faxximta axcuk qaddoyse.

tohok lakkal fanti Rasuk golina daqaarak TU bartto ku/ buxak naharsi saqalah Yan gifta Ebrahim Ruble  abeh Yan yabal iyyem baritto konforonsi kuli sanatat abanam takkay immay daqaarak awda fan yanih Yan baritto sirat foca fan xalot akah bahanna kee baritto elle aninnanih fanteenanil barittoh hangi yacenim kee axciih urri xalennay,barsenitiy,daqaar miraaciinuy,awda miraacinu sitta qokolak ni daqaaral bartto fayya le caddo akah madanah baray laqo akah maclanam faxximtam kasisse.

qaggittak taama konforonsit tengeleh tan mariteey daqaar miraaciinuy qunxxanetay awda miraaciinuy xaltani makadoy kee magaalah ummatta edde tengeleh taniim Baxxaqsen. 

saaku inki saqatak liiça saqatah fan Gexsiisak maciissen TU baritto konforonsi meqe gural Yumurruqe.