Rakaakayak maaliyyah biiro Daqortii kee Magaalâ xiinissok Maaliyyaa kee maddur daddoosih kutbeh buxah saqoltî lih walal gudgud gexisse.

 Addis Ababa Kaxxa Garabluk 11 Sanat 2018 (ENA) 

Qafáe Rakaakayak Maaliyyah biirok Naharsi Saqalah Yan Massakaxxale Gifta Acmad Macammad Boddaya tama gudgud miraacisak Daqortii kee Magaalâ xiinissok Maaliyyaa kee maddur daddoosih kutbeh buxah saqoltî lih baxaabaxsale ammoltal walal gexse.

Baxsaluk Daqooriitil yanbulluyeh yan seftineet meklaaliih taqabiy ummatta ugusak geytimta elle missowtannal Afkan yaceenim kee qasbi meklaalil yanbulliyeh yan taqabi calli elle geyam xiqah yan gital walalak faxxiimah yan afkan elle daffeesen.

 

Tama gudgudut Itiyoppiyak Tellemmô bankik Qafar Ristiriktih Saqalah yan Gifta Samir  Amare Kee Xijitaal Saqalah yan Gifta Yuhannis Iyasu edde angaluk Taama Abeenit Digital Bankingi(E-Banking) ih ayfaafayat akah yantifiqeenim xiqan innaay, abuuduuy, xayi ayfaf akah geyan innaa  
Kee Tellemmô bank elle ane waa daqooritih banki ludditte fakoonuh yaakume bicak gaba kaleenih yaniinim qaddoosen.

Elle caboh gudguduk baxaabaxsale esserooraa kee mablooli ugusakaay, ugutte esseroorah raddii kee faxxiima afkanitte daffeesak meqe gurral yumurruqe.