Federaalak Daga Raqta Sengerrah Cokmih Buxa Kalqittah Caxah Qimbisissoh Taddeera Gexsen. - ENA Qafar Afa
Federaalak Daga Raqta Sengerrah Cokmih Buxa Kalqittah Caxah Qimbisissoh Taddeera Gexsen.
Addis Ababa Kaxxa Garabluk 1 Sanat 2018 (ENA)
Federaaralak Daga Raqta Sangerrah Cokmih Buxa Sanat 208 Liggidak Madabiinô Caxák Qimbisissoh Taddeera Gexsen.
Tamaaracal Faderaalak Daga Raqta Sangerrah Cokmih Buxah Perzexentih Yan Gifta Texros Mihret Iyyeemih Tatre Miizaaniyyat Liggidal Garkuriini Qidiino Kee Essertimiyya Arcisoonuy, Taffafoh Satta Le Ayfaf Yacoonu Elle Xiqan Taamoomi Tekken Tanim Baxxaqise.
Tonnah Garkuriini Ayfaafayal Curriino Diggoysoonuh Cato Leh Yan Gaanuun Siiratitte Misoosak Taama Fanah Culuseenih Yaniinim Qaddoysen.
Tahal Sanat 2017 Miizaaniyyat Liggidal Kaxxam Assakat Le Xalu Geysiisaanam Xiiqimtem Yiysixxige. Mango Taamoomiy, Missos Faxxa Tanim Takkay Immay, Qusba Miizaaniyyat Liggidal Qimbiseenih Yanin Taamoomi Foocah Haak Gexe Loonum Warse.
Ta Qimbiseenih Yanin Xijitaal Siirat Kee Gexsit Diggoysak Sehda Elle Tanikkel Anuk Ayfaafay Akah Geytannah Xiqsiisah Yan Siirat Missoyseenih Yaniinim Qaddoysen.
Ta Taddeeral Ummattah Awlaytiitih Malah Buxak Caxah Afteenah Yan Gifta Taggese Chaafu Kee Kulli Caddol Geytimta Tan Cokmih Buxah Miraaciinu Kee Mihrat Leela Elle Geytimtem Timixxige.