Sayber amni diggoysaanam fidin caddo le dijital uguugus baaxoh addal kaxxa hangi taceem faxximta

Addis Abab Kaxxa garabluk 1 Sanat 2018 (ENA)

Sayber Amnih Yasmiteenim Baaxoh Addal Xijital Daddos kee Ayfaf Uguugus Arac Xagtuh Kaxxa Hangi Yaceenim Faxximtam Naharsi Malaakih Ku/buxak Saqal  Kee Kabineh Caagidah Malaak Tan Gifti Alem Tsehay Paulos Qaddosse. 

A saakuk Qimbisak Inki Alsa Sugtu wayta  Leceytoh Agatak Sayber Saay Alsa Addis Ababal Qimbisen. 

Naharsi Malaakakih Ku/buxah Saqalah Tan Gifti Alem Tsehai Pawulos Tatruse Farmol, Taturte Milaagih Uddur Inkih Tan Luddal Meqe Daddos Taama Tekkeh Tanim Qaddosse. 

 

Itiyoppiyah Uqusbusiyyah Astooti Akah Takkeh Tan Nabah Yan Itiyoppiyah Asqassaabe Karawwad Edde Anuk Dooqayso Kee Qimbimte Kaxxa Cugaysoosa Sarrimane le Daddos Kee  Doolatak Daddos Fayxi Taybullem Kinnim  Yiysixxige. 

Baaxo Xaylok Ayrook Ayroh Manoh Angagoyite kee Doolat Ayfaf Taysaaseh tan Xijitan Siirat Abtol Asisak Yemeeteh Yan Giffole Milaagu Kinnim Qaddosse . 

Tawak 900 Dagga Takke Missoynaani Xayoosan Ayfaf Teknolojih Gitaak Xayyoosak Geytimaanam Qaddosse 

Tama Malak Teknolooji Kee Daddos Fooca Fanah Gexak Geytimaanam Qaddoysak  Daddos cugaysoosa Amaan Yasmitoonuh hangi Yaceenim faxxintam Qaddosse . 

Sayber amnih caagid agat amobaxxaaqa luk axawah taniimih taagah ta sekteril takkeh tan abtoota fooca fanah diggowtam faxximtam Tescesse. 

 

Baxaabaxsa le Dooritittel Guftam Xiqtah Tan Mabla Uguugus Abtoota Ta Caagidil Kaxxa Doori Digirta Axcuk Tescesse 

Sayber Amnih Alsa Baaxoh Innah Sayber Amnih Takkeh Tan Angagoyite Baar luk Mabla Yacoonuh Saami Ginele kee Missoynaani  Koobaahisso  Maqarroosuh Cato Takkem Kinnim  Qaddose

Tohuk Gexxaamah, Baaxoh Caddol Sayber Amnih Dariifal Takkeh Tan Angagoyyitte Meqennal Abinosoonuh Kulinum Isi Luddal Digiram Faximta Axcuk Kassisen. 

Oyti Retteemah Amni Xiinissoh Saqalah Yan Gifta Tagist Camid Elle Qaddoosennal; Tatre sanatih addat baaxol tekkeh tan daddos taamoomiiy, xissimte cugaysoosaay, gaba kalte cugaysoosaay, teknoloojih dadal baaxoh addal qidaddo kee inkih yan dadal diggowteh tanim tamixxige. 

Ta Sanat Sayber Amnih Alsa "Sayber Amni Xijitan Itiyyobiyak Uguugus" Axcuk Yabte. 

#Itiyoppiyak_Xaagi_Raceyna #ENA