Soomaalî Rakaakayal Baritto Maxxat Yaysiisoonuh Baxaabaxsa Le Angagoyyitte Abak Geytiman - Rakaakay Saqal Mustafa Macammad

Addis Ababa Qunxa garabluk 29 Sanat  2018 (ENA)

Soomalî Rakaakayal Baritto Maxxat Yaysiisoonuh Baxaabaxsa Le Angagoyyitte Akkuk Geytimtam Rakaakay Saqal Mustafa Macammad Qaddoose.

Rakaakayak barittô biiro missosseh tan 34 heele barittô kobox Jijiga magaalal gexsen.

Tama Foremal Geytimeh Yan Rakaakay Abba Mustafa Macammad, Baritto Maxxat Dadlisaanam Kulli Baaxo Xayloh Masuuliyyat Kinnim Qaddoose.

Baritto sarriinoh yan mablâ milaagu bahtam duddaah, baaxoh addal salaam, daddos kee bisô maxco diggossam duddaamih taagah rakaakay doolat barittô mexxatal baxsale hangi  teceem yescesse.

 

Rakaakay Doolat Abak Geytimta Macal Arac Xagtuh Buxah Marak Qimbisak Wagitta Dagaritteh Gabat Agle Osissam Faxximtam Kassiise.

Rakaakayal barittô buxaaxih karmat yan alaaqa kee qunxaaneyta barittô buxaaxil yaysarreqoonuh akkuk geytimah yan macal diggowtam faxximta iyye.

Barittô Malakih Awlaytoh Tan Ayelech Eshete isi kabuk, Baritto duddaleeh Tayse hora ginaanamal kaxxa doori lem qaddosseeh, horah meqe baritto akah geytannah abak geytiman taama diggowtam faxximtam qaddosse. 

Alaaqa Barittô Buxa Baahaanam Dibuk Hinnay, Barittô Buxah Yemeeteeniik Lakal Mexxatle Baritto Akah Geyan Innah Doolat Abak Geytimta Taamoomih Xaqut Wagitta Xagarih Doori Diggowtam Faxximtam Yiysixxige.

Baxsaluk Naharsi Malaak Abiy Acmad (Dr)  Xalu kak geyak geytimam kee barittô mexxat yaysiisoonuh kalah tan taamoomi akkuk geytimtam yescesse.

Kalah kaadu karma alsitteh addat 100,000 daga takke barseenit barseenit dudda ginaanamal aydakaakan beyak yemeetem qaddoseeh, ta taama rakaakayittelluk cattiimak diggooweloonum yescesse. 

Somaali Rakaakayak Baritto Biiroh Saqal Macammad Sheek Adan Elle Qaddosennal Barittô Liggidak Qimmisiyyal Taturte Sanootak Wagittaamal Milaagi Yekkem Takkay Ikkah Kattat Kee Qokol Uxih Faxxiimam Yiysixxige.

#Ityoppiyah_Xaagi_Raceyna 
#ENA