Itiyoppiyah Xaylo Kee Itiyoppiyah Ubukuya Le Ayyunti Itiyoppiyak Ajenxa Gabosoyyih Gexsitil Kaxxa Gabat Agle Baka Geytima - ENA Qafar Afa
Itiyoppiyah Xaylo Kee Itiyoppiyah Ubukuya Le Ayyunti Itiyoppiyak Ajenxa Gabosoyyih Gexsitil Kaxxa Gabat Agle Baka Geytima
Addis Ababa Qunxa Garabluk 20 Sanat 2018 (ENA)
Itiyoppiyak Agarad kee Walal komishin Iro Baaxooxal Geytimta Itiyoppiyah Xaylo Agat Ajenxa Gaboysoh Gexsit Akah Yaysikikeenah Abak Geytimaanam Itiyoppiyah Agatak Agarad kee Walal Komishin Qaddoose.
Tama Komishinik Komishiner Yan Gifta Mulugeta Ago Elle Qaddossennal, Ajenxa Daffeysiyyih Gexsit Kilbatti Ameerika, Kanaada, Afrika, Kee Fanti Maacih Baaxooxal Geytimta Itiyoppiyah Xaylo Kee Itiyoppiyah Ubkale Ummatta Lih Walal Abeenim Qaddoose.
Awroppah Baaxooxal Geytimta Itiyoppiyah Xaylo Lih Ajenxa Gabosoyyi Akkuk Geytimam Yescessem Tama Makalak Tama Ayyunta lih Mango Gital Kaxxa Taama Tekkem Yescesse.
Ciggilak Kalah Tan Baadal Geytimta Ummatta Lih Walal Akkekelem Kee Ajenda Elle Gaabosan Gititte Ankullukelem Kassise.