Itiyoppiya Kee Chayna Saynis, Teknoloji Kee Innovation Luddal Sitta Lih Cattiimak Diggowtam Faxximta.

Addis Ababa Qunxa Garabluk 16 Sanat 2018  (ENA)

Itiyoppiya Kee Chayna Saynis, Teknoloji Kee Innoveshin Luddal Sitta Lih Taamitaanam Bisoh Axceloonum Tiysixxige.

Innoveshin Kee Teknoloji Malakah Yan Belete Mola (Dr.) Chaynak Saynis Kee Teknoloji Malaakah Yan Yin Hejun Miraacisa Erga Lih Namma Baaxoh Fanat Yan Sittin Qokolih Caagiidal Walal Gexsen.

Malak Belete Mola (Dr.) Elle Qaddosennal Itiyoppiya Kee Chayna Sittin Tuxxiqil Rakiiboh Tan Maqarle Kataysiinu Lem Yiysixxige.

 

Saynis Kee Teknoloji, Salaam, Baritto, Qaafiyat, Hawa Milaagih Kalalu, Rakiibô Daddos Xisne, Artifishaal Intelejensi, Buqre Kee Fokkaaqo Sitta Lih Taamitaanam Faxximtam Yiysixxige.

Itiyoppiya Taturte Sanootah Addat Xijitaal Maddur Xisneh Mango Milaagi Abeh Yanim Kassiisak; Tahak Ugut Abak Teknoloji Kee Kalah Tan Luddal Chayna Lih Leh Yan Fantaaxaw Fooca Fanah Akah Diggoosan Innah Abeloonum Yiysixxigen.

Chaynak Saynis Kee Teknoloji Malaakah Yan Yin Hejun Isi Katuk, Itiyoppiya Dijital Maddur Xisneh Hangi Akah Yaceen Innah Faysis Lem Yiysixxige.

Awayih Uddur Chayna Kee Itiyoppiya Sissik Dadal Le Baaxooxah Fanat Kinnim Kassiise.

Ta Sissik Kee Inkih Tan Daddos Diggoysoonuh Teknoloji Baarluk Antifiquk Geytimam Faxximtam Yescesseeh, Ta Luddal Chayna Itiyoppiya Lih Leh Tan Fantaaxaw Fooca Fanah Akah Diggoosan Innah Abelem Kassiise.

#Ityoppiyah_Xaagi_Raceyna 
#Ezeya