Itiyoppiyak Xaagi Ayfaafih Miraaciinu Kee Taama Abeenit 15 Heele Addah Qabala Yeceen.

Addis Ababa Qunxa Garabluk 8 Sanat 2018 (ENA)

Itiyoppiyak Xaagi Raceynah Miraaciinu Kee Taama Abeenit 15 Heele Addah Qabala Yeceenim Yiysixxigen.

ENA mirocti kee taama abeenit sinni mihratiinul baaxoh ayfaaf yaceenimik kalah baxaabaxsa le meqem abittoh abtootat gabah agle abak ayyuntiinô masquuliyyat Awaquk Geytimaanam warsan.

Tah lih, ENA taama abeynit 15haytoh addah qabli mattacooh taddera gexisen, 

Itiyoppiyak Xaagih Ayfaafayak Rakaakay Angaarawih Butta Saqalah Yan Yohannes Wondirad Elle Qaddoyseh Yan Innal  Qagaaqagitak Abak Geytiman  Qabli Mattacol  Inonti Kee Alaaqah Rooci Catoonuh Abak Geytimaanamih Taagah Kaxxam Ruffa Yoo Hayta Axcuk  Qaddoyse.

Ayyuntiinô Ratteemah Editor, Xijital Ratteemah Xisneh Dariifah Afat taamita Xaagu  Qawaytu Muse Melese Elle Qaddoyseh Yan innal   qagaaqagitak Takkeh Tan Qabli Mattacoh Taamat gabat agle luk sugem Qaddoysak  ta tadderal, yeceeh yan qabala ni ummattah mano cattam cedak Yeceeh Yanim Qaddoyse .

ENA k Oyti Deskih Taama Abeyna Nardos Tekle  Qabala Yaceenim Fayya Le Meqem Abittoh Taama Kinnim Qaddoysak  Baxsa luk Inah Xalay Sababah Teetik Caxitah  Yan Qabala Cigilisoonuh Qabal Yaceenim Faxximtam Qaddosse .

Ta Eglak Madqa Ayfafih Butta Saqal Solomon Tadesse Elle Qaddoyseh Yan Innal Qabal Yaceenim Dibuk Gersi Marih Rooci Cattam Hinnay Kalbi  Rufto Taceem  Qaddosen. 

Qimboh Addah Qabal Yaceenih Yanin Ta Eglak Filmi Editor Maserase Zerfu  Qabala Yaceenim Banaadamiyyo Dibuk Hinnay Gersi Marih Rooci Wadduh Takke Taama Kinnim  Taagah Ta Taama Maqarroyseyyo Axcuk Qaddoyse.

Itiyoppiyak Xaagi Ayfaafayak Taddeera Koobaahiseh kee  Madqa kee  Meqem kaban  Caagiidak Dayrekterih Tan Gifta Tadelech Bogale Elle Qaddoyseh Tan Innal  Ta Fanteenah Taama Abeenit Kulli Sidica Alsat Garuq sinnim Qabala Acayuk Geytimaanam Tiysixxige 

Tahak Ugut Abak Faxe Qaafiyat Leh Yan Num Qabli Mattacoh Taamat Gabat Agle  Diggoysaanam Faxximtam Kee Tannah Tan Taama Diggoysaanamal  Seeco Xayyoysen.

#Ityoppiya 
#Ityoppiyah_Xaagi_Raceyna 
#Ityoppiyah_Xaagi_Raceyna