Itiyoppiyak Nabah Yan Asqassaabe Karawwadih Gabakalem Afrikah Xaylo Qagitaak Uguugus Ginte Kaxxa Mayso Kinnim -Afa Caagidah Malaak

Addis Ababa Qunxa Garabluk 8 Sanat 2018 (ENA)

Nabah yan Itiyyobiyah Asqassaabe Karawwadih Gaba kalti Afrikah Xayloh Qagitaak Uguugus  Ginak  Qaagook  Abina Fan  Fanah Milaagimte Abto Kinnim Iroh Caagidah Malaakih Afak Yabe Ambasadder Nebiyat Getachew Qaddoyse

Afa Caagiidah Malakih  Afak  Yaabeynah Yan Ambasadder Nebiyat Getachew, Awayih Uddur Akkuk Geytimta Afa Caagiidah Angagoyyih Taamoomi Caagiidal Miixiyal Maybalaalaqa Yece.

Tama Maybalaalaqal, Ambasadder Nebiyat Elle Qaddoyse nnal  Nabah Yan Itiyyobiyak Asqassaabe Karawwadih Gabakalti  baad Ayyunta kee Baad Mangafah Retteemaamih Garil  Hangi Hirigtem Qaddoyse 

Karawwadak Gabakaleenim Itiyoppiyak Diplomaasih Mayso taybullem Kinnim Qaddoyseh Yan  Ambasadder Nebiyat  ta Mayso kaaduk Afrikah xayloh fanat uguugus ginte kaxxa mayso Kinnim Qaddoyse .

Nabah Yan  itiyoppiyah asqassaabe karawwad nummah rooci qangooruk abto fan milaagimeh Tan Mayso  kinnim kee itiyoppiya qemmok ilaa illacabo fan xalot le cugaysoh xiinissoh abak raag tabisak Geytimtam  Qaddoyse .

Nabah Yan Asqassaabe Karawwadih Gabakal Itiyoppiya Afrika Kee Dariifal Leh Tan Diplomaasih Doori Fayya Lem Yiysixxige.

Tama Maybalaalaqal Ambasadder Nebiyat Nammey heele Afrikak Hawa Caagiidal Gexsen Daffeyna Kee Afrikah Karibiyah Ayyuntih Daffeynal Itiyoppiya Abteh Tan Meqe Taamoomi Kassise.

Itiyoppiya Yamaate 80hele Galli Maroh Eglak Amolladi Daffeynal Faxximta Gabat Agle Haysitelem Qaddoyse 

Tahak Ugut Abak Itiyoppiya Baadak Maaqiddi Daffeyna Edde Anuk Addis Ababal Gexsen Baad Caddoh Tekkookah Xalitte Xayyooselem Kassiise.

#Ityoppiya 
#Ityoppiyah_Xaagi_Raceyna 
#ENA