Tamrî caxa tamira dibuk hinnaay manoh caabih nek tan" - Tamiri Murtaaba

Addis Ababa Qunxa Gerbluk 4 Sanat 2018 (ENA)

Tamri caxá tamri murti dibuk hinnaay baxaabaxsa le ayfaafayittel assam ta murtaaba qaddosse. 

Asaaku kaadu qafár rakaakayak aysaqiiti daqaaral tubleh tanih tanim sin fooca makenno.

Qafár inonti buxah addih mansoofa aw uwwaytit tamri caxak bicisak geytimaanam neh qaddoysan.

 "Arciba" iyyeenih qibnaytû elle daffeysan fiddimay inkih tan qibnayti konnaba elle takkem tamirak bicsen uwwaytit kinnim kaadu loonum saami fan milaaganamih ixxiga tascasse.

Qafár leh tan seenan qarwa roobuk kalaloonuh kaadu ta tamirak bicsen uwwaytu edde gamsan. Buxah addal inaqtimah edde yantifiqqen olloyta kee folloytal fidisaanam kak bicsaanam kaadu tamirtò. 

Saqak can yariggiloonuh kaadu ayni kak bicsaanam tamira. 

Tonnah can elle nakan kaaqunti kak bicam tamirto kinni. Tah kinnuk qafár mano kee tamirtó baxsa le fantaaxaw loonum yascasse. 

Qafárak naggaarinnal waqalla hayte inonti dariifak xayi aracal geytah tan tamirak bicissa aalootay ayrook ayroh manoh addat tamu le, qafár mano ceyak taffaafu abeenih yanin macalaay beerî horah raqtu wayta abtoy abeeni kinni.