Kaxxa Itiyoppiyak Asqassaabe Karawwad Afrika Isi sarrimaane Elle Tamixxige Dudda Lem Yaybulle Kaxxa Cugayso - Pirezdant William Ruto - ENA Qafar Afa
Kaxxa Itiyoppiyak Asqassaabe Karawwad Afrika Isi sarrimaane Elle Tamixxige Dudda Lem Yaybulle Kaxxa Cugayso - Pirezdant William Ruto
Addis Ababa Paagummek 4 Sanat 2017 (ENA)
Nabah yan Itiyoppiyah Asqassaabe Karawwad Afrika Isih Isih Elle Tamixxige Dudda Lem Tascasse Kaxxa Cugayso Kinnim Kiiniyah Perezixanti Wilyam Ruto Qaddoose.
Naharsi Malak Abiy Acmad Asaaku Dooqayse.
Tama dooqaysoh aracal Naharsi Malak Abiy Acmad (Dr.), Kiiniyak Prezdantih Yan Wilyam Ruto (Dr.), Jabuutik Prezdantih Yan Ismaaqil Qumar Gelleh Edde Anuk, Edde Geytimte.
Soomaaliyah Pirezdantih Yan Casan Shek Macammad (Dr.) Gabbi Qaxih Suudaanak Pirezdanti Salvakir Mayardit; Barbaadoosuk Naharsi Malaak Miya Amour Motley; Eswaatinih Baaxok Naharsi Malaak Rasel Miso Dlamini; Afrikah Inkiinoh Saqal Macammad Qali Yuusuf; kee Galli Maroh Eglak Afrikah Qidaddoh Komishinik Naharsi Kutbe Abeh Yan Claver Gatete.
Toh tonnal anuk, Ummattah Awlaytiitih Malah Buxak Afteyna Tagese Chafo; Federeshin Malah Buxak Afteena Gebhu Teshager; Kee Ciggiila Naharsi Malak Gifta Temesgen Tiruneh Edde Geytimeh Yanim Warsen.
Kiiniyah Berezixanti Wilyam Ruto Yeceh Yan Yaabal Elle Qaddosennalaay, Girand Itiyoppiyak Asqassaabe Karawwadih Dooqayso Kaxxa Aydaadi Raat Lem Yiysixxige.
Ta Aydaadule Gaaboysot Itiyopiyah Ummatta Kee Doolat Fayya Le Caddol Fayya Lem Qaddoose.
Nabah yan Itiyyobiyah Uguugus Karawad Injineeringih Taama Hinnaay, Afrikak Sarrimaaneh Isi Madqah Soolo Kinnim Yiysixxige.
Usuk Iyem Tah Taybulleem Afrikah Xaylo Isini Ledalih Fayxi Kibtam Duddam.
Ta Nabbah Yan Aydaadi Ayro Nassakaxxewak Afrikah Gaysa Kee Qaynatih Baaxooxa Sittin Qokolih Fayxi Qaduk Yaybulleenim Qaddoose.
Kiiniya Itiyoppiya Lih Leh Tan Angaaraw Akah Diggoysan Innah Abtam Faxximtam Kassiisaak, Itiyoppiya Dariifa Fanah Angaaraw Luk Sugte Baaxo Kinnim Kassiise.
Itiyoppiya Cayla Isih Isih Xiqtaah, Qidaddo Milaagisuh Abak Geytimta Milaagu Gadda Gacise.
Usuk Iyem Naba Itiyyobiyah Uguugus Karawad Dibuk Agat Cugayso Hinnay, Takkay imay Inkih tan Afrikah Duddih Maybalaalaqa kee Afrikah Miraacisa Daddos Daddos Xisneh Uguugus kini.
Ta Karawad Rakaakayal Salaam kee Bisomaxcoh Sitalih Soono Arac Xagtam Ni Gudgudul Tanim Yascase Iyye.
usuk yescessem nanu sitta luk taamitnam faxximtam ninni ummatta milaaguh kee ken manoh caalat yaysiisoonuh.
#Itiyoppiyah_Muuci #Koobaahissoh_Asta #Daban_Soono #Qusba_Horah_Acwa #NiKinni_Acwa #Niyal_Diifu #Fexxa_Rakindo #Horah_Ofti #Difu_Sani_Itiyoppiyah_Maagarit #Afrikah_Maqaane