Itiyoppiyak Nabah Yan Asqassaabê Karawwad: Itiyoppiyak Nabna Kee Inkittinaane Asta!

Addis Ababa Paagummek 4 Sanat 2017 (ENA)

Massakaxxale qafar ummattaay, massakaxxa le diini Abbobti kee kasleey, tutaaxagooy, massakaxxa le itiyoppiyah ummattay Unkaq Ruffa Inteenim.

Asaaku Mango Horih Soonoy,Mango Santoh Gubak Daga Kee Mango Itiyoppiyah Xaylok Qaago Xalu Edde Geyte Aydaadi Ayro.

Ta Nabna Kee Kaxxa Mariino Edde Geyne Waktiiy Nabah Yan Asqassabe Karawwad Taama Edde Qimbise Ayroh Doqayso Wagsiisak Ni Qafar Ummatta Itiyoppiyah Ummatta Ta Karawwadah Tece Kaxxa Caddo Kee Yuskutuben Mayso Konnabna Luk Asacassem Faxa.

 

Ta Karawwada Xeet Kee Konkertik Dibuk Xissimte Cayli Raccena Hinna.Mango Uddurah Iroh Caylitteh Fayxi Gexxamah Isinni Saamitte Elle Geysisanamak Cawlayitak Sugte Baaxo Kinnuk Away Isil Leh Tan Amnatina Elle Geysisse Aydaadi Ayro Kinni.

Mango Liggiditteh Ni Baaxok Cayli Racenaani Gersi Marih Tuxxiqil Asak Nanu Ditet Marak Sugne. Away Lakin Ni Gaddat Antafaquk Ni Saami Akak Cedak,Nabah Yan Itiyoppiyak Asqassabe Karawwadak Baxah Aydaadu Milaagak Dadal Mafdaqa Edde Qimbisna Wakti Kinni.

Qafar Itiyoppiyak Asaqaasabe Gexsok Exxak Tiya Tekkemih Kaxxa Konnabanay,Qafar Ummatta Kaadu Ta Karawwadih Xaqut Soolak Baaxoh Inkittinaane Kee Dadal Aysukumyuk Abtol Tubluuse.Ta Karawwada Qafar Ummatttah Kaxxa Qaago Luk Yemete.Karawwadak Qimbo Ni Rakakayak Buqre Daddos.

Baarisele,Industry Parkitte Kee Fabriaaki Baarisele, Giti Daddos Kee Xisneena Aysissikele,Tonnah Mango Turustitte Hirgtaamih Aaamitte Ginele Ta Caagida Inkih Ni Rakakayak Maqiishat Cagiidal Kaxxa Milaagu Baahele.

Kullimik Muxxi Karawwada Itiyoppiyah Ummattak Inkittinaane Kinni,Ta Karawwada Itiyoppiyah Ummatta Agatay,Keri Kee Diinil Baxsimekal Inki Maqar Haysitak Inkittinaane Kee Kalacanul Taamittek Kaxxa Projektitte Aracat Haytam Xiqtam Sumaaqissa.

Kaxxa Tellemoh Egaali Le Mara Kee Shariqil Shaahi Kalta Maritte Edde anuk Kulli Itiyoppiyah Xaylo Ta Karawwadal Isinni Raat Daffesae.

Buqre Abay,Saqah Xiinay,Kalah Tan Maritte Inkih Karawwadal Raat Cabte.Tah Tascassem Itiyoppiyah Ummtatta Isinni Baaxoh Leh Tan Kaxxa Kacanu Kee Soono Kinni.

Ellecaboh Ta Karawwad Arac Akah Xagannah Macalla Inte Marittek Inkih Gadda Siinih Gacisa.

Baxabaxsale Uddurah Karawwad Qimbissay Ila Gaba Kalla Haam fanah Macalte Miroctiy,Karawwada Taama Baeeniti Massakaxxale Naharsi Malak Abiyyi Acmad Kee Baaxoh Inkittinaane Kee Dadalah Macalta Marittek Inkih Konnabna Siinih Taguude.

Gaba Sittak Xabba Hayneh Fayyo Fanah Genxay Inta Itrol! 

#Ityioppiyak _Xaagi_Raceena
#Ityioppiya
#ENA