Naharsi Malak Dr. Abiy Acmad Farmo

Addis Ababa ximolik 22 Sanat 2017 (ENA)

Maaqiddi Kibaal Kee Buqre Tabaatabsa Fan Abnah Nan Safarak Inki Gexsi Fayya Fan Gufnemi Inkih Tan Itiyoppiyah Xaylok Unkaq Ruffa Inne.

Asaaku Itiyoppiyak Invstiment Holdig Kee Dangote Giruppih Fanal Madaaberya Murtissoh Komppileekis Shariikat Sittin Gey Gili Abne.

2.5 Biliyoonih Doolaarih Investiment Elle Yawquwah Yan Ta Megga Pirojekti Sanatal Ilaa 3 Miliyoonih Metirik Toon Madaaberiya Elle Yamruteenim Xiiqaanam Kinnuuk, Itiyoppiya Baadal Qabursi Caddoh Murtiseynitik Tiyakteyna Tet Abele.

 

Tama Pirojekti Baaxoh Addah Taama Saami Hadalele. 

Mango Daboonah Aqayyaaret Akak Sugte Buqreh Xiinah Kibal Le Madaaberiya Xayyoosiyya Diggoosele. 

Maaqiddi Maddaaqiinih Gitah Faxximta Maaqatta Elle Beyneh Nanimik Mayballa Kinni.

Inkih Yan Qaran Gubal Itiyoppiya Leh Tan Anaakar Diggoosak Ummatta Kee Beeri Tuxxiiqih Takke Estirateejik Investimentitte Abbinoosiyyal Linoh Nan Dudda Mablah Mayballa Taybullemi.

Asaaki Sittin Gey Giliik Ugut Abak Fabrika Elle Xisan Aracal Tama Pirojekti Qaduuk Taama Qimbiselino.

Ta Aydaadu Le Safar Qimbisneh. Ni Buqreh Xiinah, Maddur Kee Beeri Itiyoppiyah Taagah Gaba Akak Kalenno.