Baadak Haadayuy Rakaakay Tayyaarâ Booxal Taama Akah Qimbissannah Akkele

Addis Ababa Ximolik 20 Sanat 2017 (ENA)

Baad Caddoh Haadayto Addis Ababak Ossatinah Rakaakayitte Tayyaarah Booxal Taamoomi Qimbiselem Sivil Aviyooshinih Miraacini Yiysixxige.

Miraacini Hadiyyi Ayfaf Wagsiisak Cankak Haadiyyi Ayfaafayih Kambanitte Lih Walal Abak Geytiman.

Baaxok Qaran Meraytu Kee Baad Caagiidah Fayu Abeh Yan Endeshaw Yegezu Xayyoose Gabbaaqul Baad Caddol Haadiyyi Taama Addis Ababah Qaran Tayyaarah Booxa Kee Kalah Rakaakayittê Tayyaara Booxal Sanat 2018 Akah Qimbisan innah Abe Loonum Yiysixxige.

Gifta Endeshaw Elle Qaddosennal Rakaakay Tayyaara Booxaaaxal Taama Qimbisaanam Wacaysir Ayfaf Osisak Ayyuntah Taqabi Yaynukuseenimil Kaxxa Xaloot Baahelem Diggoyse. Taklel ceelalloh Ugsem:-   Mizan Tepe - Jimma - Gambella - Asosa kee Dire Dawa - Harar - Balerobo Kee Lalat Tan Dariifal Taama Qimbisaanamih Niya Loonum Yiysixxige.

Tah Kaadu Inki Num Addis Ababa Fanah Baaxoh Addah Tayyaarat Inki Aracaak Aki Araca Fanah Gexuh Addis Ababa Fanah Yamaatem Kaak Raaqiselem Kassiise.

Tahak Ugut Abak Addis Ababah Tayyaarah Booxak Ossatinah Baad Tayyaarah Booxal Rakaakayitteh Tayyaarâ Booxaaxil Abbinoowelem Yiysixxige. 

Ceelalloh, Baadak Tayyaara Bahir Daaray, Mekele Kee Dire Dawa Fanah Akah Takkem, Ta Baaxok Export Tellemmo, Investimenti, Buqre Kee Industirih Daddosul Qokol Abelem Yiysixxigen.

Rakaakay Tayyaarah Booxaaxal Roociini Safar Akah Xisan Innah Taamitaanam Kee Hajjiiy, Qumrah Safar Saanih Rakaakayittek Abaanam Xiiqimelem Baxxaqise.