Itiyoppiyal Gexsitta Baad Caddibnih Koboxitte Dippilomaasih Angaaraw Diggossam Kinni - ENA Qafar Afa
Itiyoppiyal Gexsitta Baad Caddibnih Koboxitte Dippilomaasih Angaaraw Diggossam Kinni
Addis Ababa Ximolik 20 Sanat 2017 (ENA)
Itiyoppiyal Gexsitta Baad Caddibnih Koboxitte Dippilomaasih Angaarawitte Diggossuh Albaab Faktam Kinnimi Poletikal Kee Baad Caddibnih Angaarawih Tu Taaxago Qaddosse.
Itiyoppiyak Sivil Servis Jaamiqatak Poletikal Saynis Kee Baad Caddibnih Angaarawih Barseyna Kee Kusaqabeh Yan Dr. Mulugeta Debbebe Elle Iyyennal:- Baad Caddibnih Koboxittel Baxaabaxsa Le Baaxooxa Kee Fanteenitik Saqolti Elle Geytimtaamih Saamim Akak Kaxxaam Baar Lem Kassiise.
Ta Koboxitteh Xaqut Baaxooxak Dippilomaasih Angaaraw Akah Diggoosan Innah Qokol Takkemi Qaddoose.
Itiyippiyak Inayta Addis Ababah Magaalal Gexsitta Qaran Guba Kee Baad Caddibnih Koboxittel Baaxooxak Fantaxaw Kee Dippilomaasi Langi Diggossaamih Saami Lem Poletikal Saynis Kee Baad Caddibnih Angaarawih Tu Yaaxagih Yan Tilahun Liben Yiysixxige.
Itiyoppiyal Gexsitta Gudguditte Dippilomaasih Angaaraw Baarisak Baaxooxah Angaaraw Akah Diggowtannah Saami Hadaltam Kinni Axcuk Qaddoose.
Ta Koboxittel Dippilomaasih Angaaraw Diggoosaanam kee Baaxo Weelo Elle Diggowtam Kinnuuk, Dippilomaatitte Kaaduk Maglableea Kaaduk Kalah tan Langitteh Xalootuh Oggoysim Le Gurral Taama Takkem Faxximtam Kassiise.
Tama Koboxitte Itiyoppiyal Gexsittam Dibuk Hinnaya, Qaran Gubah Kunnabna Kinnimit Yaabe.